27 مامىرعا قاراعان ءتۇنى حرومتاۋ اۋداندىق پب كەزەكشى بولىمىنە حرومتاۋدان 75 شاقىرىم جەردە جول-كولىك وقيعاسى بولعانى تۋرالى حابارلاما تۇسكەن.
24 جاستاعى Nissan Teana جۇرگىزۋشىسى اققۇدىق اۋىلى ماڭىندا جول ەرەجەسىن بۇزىپ, قارسى قوزعالىس جولاعىنا شىعىپ كەتكەن. وسىلايشا, حرومتاۋ اۋدانىنىڭ 44 جاستاعى تۇرعىنى تىزگىندەگەن ۆاز-2115 كولىگىمەن سوقتىعىسقان. جول اپاتى سالدارىنان وقيعا ورنىندا ۆاز-2115 كولىگىنىڭ جۇرگىزۋشىسى مەن جولاۋشىسى قايتىس بولعان. سونىمەن قاتار Nissan Teana كولىگىنىڭ جۇرگىزۋشىسى مەن ۆاز-2115 اۆتوكولىگىنىڭ ءۇش جولاۋشىسى حرومتاۋ قالاسىنىڭ ورتالىق اۋداندىق اۋرۋحاناسىنا جەتكىزىلگەن.
بۇل دەرەككە قاتىستى قر قىلمىستىق كودەكسىنىڭ 345-بابى 4-بولىگى «كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى» بويىنشا سوتالدى تەرگەۋ باستالدى. ساراپتاما تاعايىندالدى.
