ساياسات • 27 مامىر، 2022

ءاليحان سمايىلوۆ كاسپي قۇبىر كونسورتسيۋمىنىڭ باس ديرەكتورىمەن كەزدەستى

26 رەت كورسەتىلدى

پرەمەر-مينيستر ءاليحان سمايىلوۆ پەن «كاسپي قۇبىر كونسورتسيۋمى» اق باس ديرەكتورى نيكولاي گوربان قازاقستاندىق مۇنايدى ەكسپورتقا تاسىمالداۋ بويىنشا ىنتىماقتاستىق ماسەلەلەرىن تالقىلادى، دەپ جازادى Egemen.kz primeminister.kz سايتىنا سىلتەمە جاساپ.

كەزدەسۋ بارىسىندا  قازىرگى كەزدە مۇناي قۇبىرىنىڭ وتكىزۋ قابىلەتىنە قويىلعان شەكتەۋلەر الىنىپ تاستالدى جانە قازاقستاندىق جۇك جونەلتۋشىلەردەن مۇناي قابىلداۋ تولىق كولەمدە قالپىنا كەلتىرىلدى. ايلاقتىڭ بارلىق قۇرىلعىلارى جۇمىس ىستەپ تۇر. 

«كقك تەڭىز تەرمينالىندا زاقىمدالعان جىلجىمالى ايلاق قۇرىلعىلارىن جوندەۋ جۇمىستارى اياقتالعانىنا قۋانىشتىمىز. بۇل شەكتەۋلەردى الىپ تاستاۋعا جانە قازاقستاندا مۇناي ءوندىرۋدى تولىق كولەمدە قالپىنا كەلتىرۋگە مۇمكىندىك بەردى»، دەدى قر پرەمەر-ءمينيسترى. 

ءاليحان سمايىلوۆ تەڭىز كەن ورنىن بولاشاقتا كەڭەيتۋ جوباسى اياقتالعاننان كەيىن قوسىمشا مۇناي كولەمىن تاسىمالداۋ ءۇشىن كقك قۇبىر جۇيەسىنىڭ وسال جەرلەرىن جويۋ جوباسىن ۋاقىتىلى ىسكە اسىرۋدىڭ ماڭىزدىلىعىنا توقتالدى.

«كقك مۇناي قۇبىرىن ودان ءارى اپاتسىز جانە ۇزدىكسىز پايدالانۋدى قامتاماسىز ەتۋ اسا ماڭىزدى. بۇل ءۇشىن بارلىق قاجەتتى شارالاردى قابىلداۋ كەرەك دەپ سانايمىن»، دەدى قازاقستان ۇكىمەتىنىڭ باسشىسى.

كقك مۇناي قۇبىرى تەڭىز، قاراشىعاناق جانە قاشاعان ءىرى كەن ورىندارىنان مۇناي ەكسپورتتاۋدىڭ ەڭ توتە جولىن جانە نەعۇرلىم ءتيىمدى ەكونوميكالىق جاعدايلاردى قامتاماسىز ەتەدى. 2021 جىلى قازاقستاننان قۇبىر ارقىلى 53،1 ملن توننا مۇناي، 2022 جىلعى قاڭتار-ءساۋىر ايلارىندا 18،7 ملن توننا مۇناي تاسىمالداندى.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار