«باعدارلامانىڭ ماڭىزدى بولىگى جاڭا ەكونوميكالىق وسىمگە ارنالعان. ازاماتتاردىڭ جۇمىسقا ورنالاسۋىنا جاعداي جاساۋ, سونداي-اق جاڭا داعدىلار مەن كاسىپكە جۇمىلدىراتىن جاناما ءىس-قيمىلدار قامتىلعان. 1,1 ملن-نان استام جۇمىسشىنىڭ ەڭبەكاقىسىن كوتەرۋ ەسكەرىلگەن, ونىڭ ىشىندە بيۋدجەت سالاسىنىڭ 850 مىڭنان اسا قىزمەتكەرىنىڭ لاۋازىمدىق ايلىق اقىسى ارتادى. دارىگەرلەردىڭ جالاقىسى 320 مىڭنان 531 مىڭ تەڭگەگە دەيىن, ورتا مەديتسينا قىزمەتكەرلەرىنىڭ جالاقىسى 173 مىڭنان 250 مىڭ تەڭگەگە دەيىن وسەدى», دەدى ە.توعجانوۆ.
سونىمەن قاتار ول بيىل ساۋىردەن باستاپ «سامۇرىق-قازىنا» قورى كومپانيالار توبىنىڭ 258 مىڭ وندىرىستىك پەرسونالىنىڭ جالاقىسى 5-تەن 48 پايىزعا دەيىن كوتەرىلگەنىن ايتتى. بۇل رەتتە جالاقىسى تومەن قىزمەتتەرگە باسىمدىق بەرىلدى.
«قوردىڭ ىشكى رەزەرۆىنەن قىزمەتكەرلەردىڭ كىرىستەرىن ارتتىرۋ بويىنشا جۇمىس جالعاساتىن بولادى. جىل سوڭىنا دەيىن تاعى 4 كومپانيادا وندىرىستىك پەرسونال جالاقىسى 5-تەن 18 پايىزعا دەيىن وسەدى», دەدى ۇكىمەت باسشىسىنىڭ ورىنباسارى.
