جارىمجان جارنامالارعا جول جوق

جۋىردا قالا كولەمىندە “تىلگە قۇرمەت – ەلگە قۇرمەت” دەگەن تاقىرىپپەن ايلىق وتكىزىلدى. اتالعان ايلىق اياسىندا رەسپۋبلي­كامىزدىڭ ء“تىل تۋرالى” زاڭىنىڭ تالاپتارىنا سايكەس كورنەكى اقپارات ماتىندەرىن دۇرىس ءراسىم­دەۋ بويىنشا تۇسىندىرمە جۇمىس­تارى جۇرگىزىلىپ, مەملەكەتتىك ور­گان­دارمەن جانە قوعامدىق ۇيىم­دارمەن بىرلەسە وتىرىپ تەكسەرۋ رەيدتەرى ۇيىمداستىرىلدى. مۇ­نىڭ سىرتىندا شاعىن جانە ورتا كاسىپپەن شۇعىلدانىپ جاتقان كاسىپكەرلەرگە ادىستەمەلىك كومەك كورسەتىلدى. ايلىق سوڭىندا “كورنەكى اقپارات ءتىلى: تاجىريبە جانە وزەكتى ماسەلەلەر” دەگەن تاقىرىپتا سە­مي­نار-كەڭەس وتكىزىلدى.ونداعى ماقسات قالاداعى كورنەكى اقپارات­تىڭ ءتىلىن رەتتەستىرىپ, ءبىر ىزگە كەل­تىرۋ ەدى. سوعان وراي جيىن بارى­­سىندا تاجىريبە الماسىپ, وي ءبولىسىلدى, قالالىق جارناما اگەنت­تىك­تەرىنە نۇسقاۋ بەرىلدى. سەمينارعا قالاداعى وندىرىستىك كاسىپورىندار, ءىرى ساۋدا ورتا­لىق­تارى, جولاۋشىلاردى تاسى­مال­داۋ­مەن اينالىساتىن كومپا­نيا­لار, بانكتەر جانە جارناما اگەنتتىك وكىلدەرى شاقىرىلدى. سەمينار بارىسىندا قالالىق پروكۋراتۋرا قىزمەت­كەرلەرى, قالا­لىق ساۋلەت جانە قالا قۇرىلىسى ءبولىمىنىڭ, قالالىق كاسىپكەرلىك ءبولىمىنىڭ قىز­مەتكەرلەرى كۇن ءتار­تى­بىندەگى ماسەلەلەر جونىندە بايان­داما جاساپ, زاڭ باپتارىنا ءتۇسىن­دىرمە بەردى. سونىمەن بىرگە سەمينارعا قاتىسۋشىلار تاراپى­نان قويىلعان ساۋالدارعا دايەكتى جاۋاپ ايتىلدى. سەمينار سوڭىندا وعان قاتى­سۋ­شىلارعا مەتوديكالىق جانە ۇلگى ماتەريالدارى تاراتىلدى. ەندىگى جەردە قالا كوشەلەرىندە جارىمجان جارنامالارعا جول بەرىلمەيتىندىگىنە سەنگىڭ-اق كەلە­دى. سولاي بولعاي دا! داۋلەت سەيسەن ۇلى, سەمەي.