«2021 جىلدىڭ ناۋرىز ايىنان باستاپ وبلىس اكىمىنىڭ ورىنباسارى قىزمەتىنە تاعايىندالىپ, ايماقتىڭ الەۋمەتتىك-ەكونوميكالىق دامۋىنا قىزمەت ەتتىم. الەۋمەتتىك سالاعا جاۋاپتى بولعاندىقتان ەڭ اۋەلى دەنساۋلىق ساقتاۋ سالاسىندا پاندەميامەن بەتپە-بەت كەلدىك. وسى ماقساتتا ناتيجەلى جۇمىستار اتقارىلدى», دەدى بالجان شامەنوۆا.
سونداي-اق ەڭبەك داۋلارىن شەشۋ ماقساتىندا كاسىپوداقپەن بىرگە ءتيىمدى شەشىم قابىلداندى. بىلتىر ءبىلىم سالاسى ءۇشىن دە تاۋەكەلدەرگە قارسى تۇرۋعا جول اشقان جىل بولدى.
«وزدەرىڭىز بىلەسىزدەر, نۇرلىبەك نالىباەۆ وبلىس اكىمى قىزمەتىنە تاعايىندالعان ۋاقىتتان باستاپ, ماعان ەكونوميكا, قارجى سالاسىنا جەتەكشىلىك ەتۋ قوسىمشا جۇكتەلدى. دەگەنمەن ءساۋىر ايىنان باستاپ تۋعان اعامنىڭ بالاسى اسىلبەك شامەنوۆ قالا اكىمى رەتىندە قىزمەتكە كەلدى. ول جالاعاش اۋدانى اكىمى بولعان كەزەڭدە ماعان تىكەلەي باعىنىشتىلىعى جوق بولعاندىقتان, بۇل جەردە زاڭعا قايشى ارەكەتتەر ورىن العان جوق. بىراق ءساۋىر ايىنان باستاپ, قارجى سالاسىنا جەتەكشىلىك ەتەتىندىكتەن جانە ءىنىمنىڭ قالا اكىمى قىزمەتىنە كەلۋى سەبەپتى مەن وبلىس اكىمىنىڭ ورىنباسارى قىزمەتىنەن كەتۋ تۋرالى شەشىم قابىلدادىم. دەگەنمەن مەن قاي كەزدە دە سىر ەلىنىڭ دامۋىنا بار كۇش-جىگەرىمدى سالۋعا دايىنمىن. ءاربىر مەملەكەتتىك قىزمەتشى تۋعان جەرىنە جاناشىرلىقپەن قارايدى جانە ايماقتىڭ دامۋىنا بارىن سالىپ قىزمەت ەتەدى», دەدى ب. شامەنوۆا.
