وقيعا ىلە اۋدانىنىڭ بورالداي اۋىلىندا ورىن العان.
«BMW X5 كولىگى 23 مامىردان 24-ىنە قاراعان ءتۇنى رۋلگە يە بولا الماي, جولدىڭ جيەگىنەن شىعىپ كەتىپ, تۇرعىن ءۇيدىڭ ۇستىنە قۇلادى. ءۇيدىڭ شاتىرى, گاز, جارىق باعانالارى ب ۇلىنگەن. وقيعادان كولىك جۇرگىزۋشىسى ءوزى جەڭىل جاراقات العان. ول اۋرۋحاناعا جاتۋدان باس تارتتى», دەلىنگەن الماتى وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاماسىندا.
ۆەدومستۆو ۇسىنعان اقپاراتقا سايكەس, جۇرگىزۋشىنىڭ ۇستىنەن قر اك 610-بابى بويىنشا اكىمشىلىك حاتتاما تولتىرىلدى.
«قۇلاعان ءۇيدىڭ يەسىنە كەلتىرىلگەن شىعىن كولەمى ەسەپتەلۋدە. اپاتتان گازدىڭ قۇبىرى جارىلماعان. ال ەلەكتر باعانى ەلەكتر ستانتسيانىڭ ماماندارىمەن قالپىنا كەلتىرىلدى», دەپ تولىقتىردى اتالعان ۆەدومستۆونىڭ ءباسپاسوز قىزمەتىنەن.
