ەڭبەك جانە حالىقتى الەۋمەتتىك قورعاۋ مينيسترلىگى ۇسىنعان اقپاراتقا سايكەس, ونىڭ ىشىندە ءساۋىر ايىندا رەسپۋبليكالىق بيۋدجەتتەن مۇگەدەكتىك بويىنشا مەملەكەتتىك الەۋمەتتىك جاردەماقىعا - 27,5 ملرد تەڭگە, اسىراۋشىسىنان ايىرىلۋىنا بايلانىستى جاردەماقى تولەۋگە - 7,7 ملرد تەڭگە جۇمسالعان.
مۇگەدەكتىك بويىنشا مەملەكەتتىك الەۋمەتتىك جاردەماقى الۋشىلار سانى - 525,8 مىڭ, اسىراۋشىسىنان ايىرىلۋ جاعدايى بويىنشا - 175,9 مىڭعا جەتتى.
مۇگەدەكتىك جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى مولشەرى مۇگەدەكتىك توبىنا جانە سەبەبىنە, قايتىس بولعان اسىراۋشىنىڭ اسىراۋىنداعى ادام سانىنا, سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنەتىن ەڭ تومەنگى كۇنكورىس دەڭگەيىنە بايلانىستى بولادى. 1 مامىرداعى جاعداي بويىنشا مۇگەدەكتىككە تولەنەتىن الەۋمەتتىك جاردەماقىنىڭ ورتاشا مولشەرى – 52 347 تەڭگە, اسىراۋشىدان ايىرىلۋ جاعدايى بويىنشا تولەنەتىن جاردەماقى – 43 574 تەڭگە.
