ۇرپاق دەنساۋلىعىنا دەن قويعان كونفەرەنتسيا

تۇركىستاندا ق.ا.ياساۋي اتىن­داعى حالىقارالىق قازاق-تۇرىك ۋنيۆەرسيتەتىنىڭ وقۋ كلينيكالىق بازاسىنداعى جۇيكە اۋرۋلارى جانە شىعىس مەديتسيناسى كافەدراسىنىڭ ۇيىمداستىرۋىمەن جانە فارماتسەۆ­تيكالىق كومپانيالاردىڭ دەمەۋشى­لىك ەتۋىمەن “جۇيكە اۋرۋلارىنىڭ وزەكتى ماسەلەلەرى” اتتى حالىقارا­لىق عىلىمي-تاجىريبەلىك كونفە­رەن­تسيا بولىپ ءوتتى. وعان قازاق­ستان, تۇركيا, رەسەي, وزبەكستان جانە قىرعىزستاننىڭ نەۆرولوگيا مەن نەيروحيرۋرگيا سالاسىنىڭ جەتەكشى عالىمدارى مەن مامان­دارى, سونداي-اق ەلىمىزدىڭ بىرقاتار ايماقتارىنان كەلگەن نەۆرولوگ, نەيروحيرۋرگ دارىگەرلەر قاتىستى. اتالعان كونفەرەنتسيادا نەۆرو­لوگيا مەن نەيروحيرۋرگياداعى وزەك­تى ماسەلەلەردى شەشۋ جولدارىن ىزدەستىرۋ, تالقىلاۋ ماسەلەلەرى ءسوز بولدى. باۋىرلاس مەملەكەتتەر بو­لىپ تابىلاتىن قازاقستان مەن ءتۇر­­كيانىڭ ءوزارا تۋىستىق, دوستىق قارىم-قاتىناسىن, بايلانىستارىن نىعايتۋ جانە دامىتۋ ماقساتىندا قۇرىلعان ق.ا.ياساۋي اتىنداعى حقتۋ ءوزىنىڭ اشىلعان جىلدارىنان باستاپ قازىرگە دەيىن رەسپۋبليكالىق جانە حالىقارالىق دارەجەدەگى ءتۇرلى عىلىمي, مادەني ءىس-شارالاردى تۇ­راق­تى تۇردە وتكىزىپ كەلەدى. جو­عارى­داعى عىلىمي-تاجىريبەلىك باسقوسۋ دا وسىنىڭ جالعاسى ىسپەتتى. ۋنيۆەرسيتەت پرەزيدەنتى لەسبەك ءتاشىموۆ وقۋ ورنىنداعى تەك مەدي­تسينا سالاسىنداعى سونى جەتىس­تىكتەر مەن الداعى جوسپارلانعان اۋقىمدى شارالار جايىندا بىلاي دەدى. ۋني­ۆەرسيتەتتە مەديتسينا مامان­دارىن دايارلاۋ تۇڭعىش رەت حالىقارالىق ستاندارتتا جۇرگىزىلىپ وتىر. بۇل كىشى بولاشاق باعدارلاماسىن ىسكە اسىرۋ بارىسىندا قولعا الىنۋدا. ءبىزدىڭ ستۋدەنتتەر تۇركيانىڭ ەكى ۋنيۆەرسيتەتىندە اعىلشىن تىلىندە ءبىلىم الىپ, سەسسيا تاپسىرىپ كەلە­دى. ولاردىڭ اعىلشىن ءتىلىن مەڭ­گەرۋى ءۇشىن ۋنيۆەرسيتەتتىڭ ءتىل ۇيرەتۋ ورتالىعى بارلىق جاعدايدى جاساۋدا. سونداي-اق ءتىل بىلۋىنە تالاپ تا جوعارى. ساپالى مامان دايارلاۋ ءبىزدىڭ باستى ماقساتىمىز. مەديتسينا سالاسى بويىنشا ەلىمىز­دەگى بىلىكتى عالىم, دارىگەر-پەداگوگ­تاردى شاقىرۋدى جولعا قويىپ جاتىرمىز. ارينە, حالىقارالىق, الەمدىك دەڭگەيگە جەتۋگە كوپ كۇش جۇمساۋ قاجەت. ەلباسى تاپسىرما­سىن تۇركىستان وڭىرىندە اسىرۋعا سەنىم مول. پرەزيدەنت تاپسىرما­سىنا وراي ۇلكەن مەديتسينالىق عيمارات جانە 500 ورىندىق جاتاق­حانا سالىنعالى وتىر. سونىمەن قاتار, تۇركيا تاراپىنان ءۇش قاباتتى ارنايى كىتاپحانا, مەشىت اشۋ جولعا قويىلۋدا. بۇگىنگى تاڭدا جالپى اۋرۋلار اراسىندا جۇيكە جۇيەسى اۋرۋىمەن اۋىراتىنداردىڭ سانى جىل ساناپ ءوسىپ كەلە جاتقاندىعى ماماندار تاراپىنان ءجيى ايتىلىپ كەلەدى. كوپتەگەن عالىمدار كەيبىر نەۆرولو­گيالىق اۋرۋ تۇرلەرىنىڭ كلينيكالىق سۋرەتتەمەسى وزگەرىسكە ۇشىراپ, سونىڭ اسەرىنەن ناۋقاستاردىڭ ءوز-وزدەرىن ۇستاي الماي اشۋشاڭ مىنەز تانىتاتىنىن, اتالمىش دەرتتىڭ اۋىر, وتكىر تۇردە وتەتىنىن ايتىپ ءجۇر... نەۆرولوگيالىق پاتولوگيالار ماسەلەسىن تالقىلاۋدىڭ ماڭىزدى­لىعى سول, ول حالىقتىڭ جاس, ەڭبەك­كە جارامدى بولىگىنىڭ كەمتارلىققا ۇشىراۋىنا الىپ كەلەدى ەكەن. بالالار اراسىنداعى جۇيكە جۇيەسى پاتولوگياسىنىڭ باستاپقىدا انىق­تالماي قالۋى وتە ءجيى كەزدەسە­تىن قۇبىلىس دەيدى دارىگەرلەر. مۇنىڭ ۇلكەن الەۋمەتتىك ماڭىزعا يە بولىپ وتىرعاندىعى دا سودان بولسا كەرەك. سول ءۇشىن ەرتەڭگى بولاشاعىمىز بالالار اراسىنداعى جۇيكە جۇيەسى بۇزىلىسىن ەمدەۋ ءىسىن جەتىلدىرۋ مەن اۋرۋدى ەرتە انىقتاۋدىڭ ماڭى­زى جوعارى ەكەندىگى دە دارىگەرلەر باسقوسۋىندا نازاردان تىس قالمادى. ءابدىراحمان قىدىربەك, تۇركىستان.