ايماقتار • 24 مامىر، 2022

شقو تۇرعىنىنان قارۋ-جاراق پەن وق-دارىلەر تاركىلەندى

25 رەت كورسەتىلدى

شقو تۇرعىنىنان قارۋ-جاراق پەن وق-دارىلەر ارسەنالى تاركىلەندى، دەپ حابارلايدى Egemen.kz.

شقو پوليتسەيلەرى «قارۋ» جەدەل الدىن الۋ ءىس-شاراسىن وتكىزۋ بارىسىندا اتىس قارۋلارى مەن وق-دارىلەرىن زاڭسىز ساقتاعان 32 جاستاعى ەر ادامدى انىقتادى.

جەدەل-ىزدەستىرۋ ءىس-شارالارىن جۇرگىزۋ ناتيجەسىندە، پوليتسيا قىزمەتكەرلەرى ءوز ۇيىندە تاپانشادان تۇراتىن تۇتاس ارسەنالدى، سونداي-اق ءارتۇرلى كاليبرلى پاترونداردى ساقتاعان 32 جاستاعى وسكەمەن تۇرعىنىن ۇستادى.

قاسكۇنەمنىڭ ءۇيىن سانكتسيالانعان ءتىنتۋ بارىسىندا پوليتسەيلەر مر-79-8 ۇلگىسىندەگى گاز پيستولەتىنەن قايتا جاسالعان پيستولەتتى، WALTHERP گاز پيستولەتىن، مر-654ك ۇلگىسىندەگى پنەۆماتيكالىق وزدىگىنەن وقتالاتىن كوپ وقتاۋلى گاز باللوندى پيستولەتتى جانە سپش 44 ۇلگىسىندەگى سيگنالدىق پيستولەتتى، سونداي-اق 150-دەن استام پاتروندى تاۋىپ، تاركىلەدى. بۇل پاتروندار زاۋىتتىق ادىسپەن جاسالعان جانە وق اتۋعا جارامدى.

اتالعان فاكتى بويىنشا قر قك-ءنىڭ 287-بابىنىڭ 3-بولىگى (قارۋدى، وق-دارىلەردى، جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ، بەرۋ، ساقتاۋ، تاسىمالداۋ نەمەسە الىپ ءجۇرۋ) بويىنشا سوتقا دەيىنگى تەرگەۋ باستالدى.

قازىرگى ۋاقىتتا ءىس بويىنشا قاجەتتى تەرگەۋ امالدارى جۇرگىزىلۋدە، قاسكۇنەمگە قاتىستى كەلۋ تۋرالى مىندەتتەمە تۇرىندەگى بۇلتارتپاۋ شاراسى تاڭدالدى.

ايانا توعانبەك

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار