«بۇعان بۇرىن ءمان بەرمەۋشى ەدىك. تەك قانا مەملەكەتتىك ورگانداردىڭ سايتتارىنا, پورتالدارىنا نازار اۋدارىپ كەلدىك. ولاردى ماجبۇرلەپ, قازاقشاعا اۋدارتتىق. بىراق ولاردىڭ دا ساپاسى ازداپ تومەن ەكەنىن بىلەمىز. قازىر بۇنى دا جاقسارتىپ جاتىرمىز. ولارعا بەلگىلى ءبىر تالاپتار قويىلدى, جۇمىس جۇرگىزىلىپ جاتىر. مۇندا جەكەمەنشىك سەرۆيستەردىڭ, Facebook-ءتىڭ قازاقشاسى نەگە جوق دەگەن سۇراق تۋىندايدى عوي. بىراق ونى ءبىز قالاي قازاقشا جاساي الامىز؟ ول – نارىق. Facebook ءوزى جاساماسا, ءبىز جاساي المايمىز عوي. ونى ماجبۇرلەسەك, قازاقشا نۇسقاسى جوق دەپ قوسىمشانى مۇلدە جاۋىپ تاستاساق, ادامدار شۋلاي باستايدى. سوندىقتان وسى ساتىدا قازىر امەريكاعا بارماي-اق قويايىق, جانىمىزداعى سەرۆيستەر – 2گيس, ياندەكس بولسىن, سولارعا شىعىپ, وسىنداي تالاپتاردى قويىپ جاتىرمىز. ء«بىزدىڭ ەكونوميكادا جۇمىس ىستەگىڭىز كەلسە, وندا قازاق ءتىلىن ەنگىزىڭىز» دەگەن تالاپ قويامىز. سونداي ۇسىنىستاردى تالقىلاپ جاتىرمىز», دەدى مينيستر اقتوبە وبلىسى جۇرتشىلىعىمەن كەزدەسۋ بارىسىندا.
ونىڭ ايتۋىنشا, مۇنداي تالاپتى زاڭعا دا ەنگىزۋ قاجەت.
«بۇل كۇردەلى ماسەلە. بىراق ونى بىرتىندەپ ەنگىزەمىز», دەدى باعدات مۋسين.
