ۆەدومستۆو وكىلدەرىنىڭ ايتۋىنشا, بارلىق تۇلعالار اكىمشىلىك قۇقىق بۇزۋشىلىق تۋرالى كودەكستىڭ 551, 545-باپتارى بويىنشا جاۋاپكەرشىلىككە تارتىلدى.
«ونىڭ ىشىندە, شەتەلدىك ۆاليۋتانى سىرتقا الىپ كەتۋگە تىيىم سالۋ كۇشىنە ەنگەن سوڭ, كەدەندىك شەكارا ارقىلى جالپى سوماسى 280 000 دوللاردى قۇرايتىن قولما-قول اقشانى كەدەندىك شەكارا ارقىلى الىپ كەتپەك بولعان 21 دەرەك بەلگىلى بولدى. بارلىق وقيعا نۇر-سۇلتان (6 فاكت) مەن الماتى (15 فاكت) قالالارىنىڭ حالىقارالىق اۋەجايلارىندا ورنالاسقان كەدەن بەكەتتەردە تىركەلدى», دەپ جازىلعان كوميتەت حابارلاماسىندا.
ايتا كەتسەك, مەملەكەت باسىشىسىنىڭ جارلىعىمەن ەل اۋماعىنان:
- 10 000 اقش دوللارى بالاماسىنان اساتىن جانە اكەتۋ كۇنىنە بەلگىلەنگەن ۇلتتىق بانك باعامى بويىنشا ەسەپتەلگەن سوماداعى قولما-قول شەتەل ۆاليۋتاسى جانە (نەمەسە) شەتەل ۆاليۋتاسىنداعى اقشا قۇرالدارىن;
- ۇلتتىق بانك شىعاراتىن 5, 10, 20, 50 جانە 100 گرامم اففينيرلەنگەن التىن قۇيمالارىن جانە ALTYN BARYS التىنىنان جانە KÚMIS BARYS كۇمىسىنەن جاسالعان ينۆەستيتسيالىق مونەتالاردى, سونداي-اق 100 گرامنان استام اففينيرلەنگەن التىندى اكەتۋگە تىيىم سالىنعان.
