قازاقستان • 24 مامىر، 2022

12 جاستاعى قىزدى توناعان ۇرى ۇستالدى

17 رەت كورسەتىلدى

الماتى وبلىسىندا 12 جاستاعى قىزعا شابۋىل جاساپ، ونى توناعان ەر ادام ۇستالدى، دەپ حابارلادى Egemen.kz Polisia.kz-كە سىلتەمە جاساپ.

وقيعا قوناەۆ قالاسىندا بولعان. 21 مامىردا 36 جاستاعى جەرگىلىكتى تۇرعىن پوليتسياعا 12 جاستاعى قىزىن توناپ كەتكەنى تۋرالى ارىزبەن جۇگىنگەن. مەكتەپ وقۋشىسىنا كوپقاباتتى تۇرعىن ءۇي كىرەبەرىسىندە ەر ادام قوقان-لوقى كورسەتىپ، ۇيالى تەلەفون مەن قۇلاققابىن تارتىپ العان.

پوليتسيا قىزمەتكەرلەرىنىڭ جەدەل ىزدەستىرۋ ارەكەتتەرىنىڭ ارقاسىندا كۇدىكتى ۇستالدى. قىلمىسكەر قالا ماڭىنداعى زارەچنىي كەنتىنىڭ 38 جاستاعى تۇرعىنى بولىپ شىقتى.

«قازىر كۇدىكتى ۇستالىپ، قاماۋعا الىندى. قىلمىستىق ءىستى تەرگەۋ قر قىلمىستىق كودەكسىنىڭ 191-بابى 2-بولىگى «توناۋ» بويىنشا جۇرگىزىلىپ جاتىر»، دەلىنگەن حابارلامادا.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار