مەديتسينا • 24 مامىر، 2022

مەديتسينالىق پويىزدار جولعا شىقتى

46 رەت كورسەتىلدى

مەديتسينالىق پويىزدار ەلىمىزدىڭ شالعاي اۋداندارىنىڭ 60 مىڭعا جۋىق تۇرعىنىنا ساپالى مەديتسينالىق كومەك كورسەتەدى، دەپ حابارلايدى Egemen.kz.

اتالعان جوبانىڭ ناتيجەسىندە شالعاي اۋدان تۇرعىندارىنا كوپبەيىندى ءموبيلدى مەديتسينالىق كومەك الۋعا قولجەتىمدى بولادى. پاندەميا جاعدايىندا جانە الەمدە قالىپتاسقان ەپيدەميولوگيالىق احۋالعا وراي ساپالى مەديتسينالىق سەرۆيسكە قولجەتىمدىلىك وتە ماڭىزدى بولىپ تابىلادى. وسى سەبەپتى پويىزدار مەديتسينالىق-سانيتارلىق العاشقى جانە كونسۋلتاتسيالىق-دياگنوستيكالىق كومەكتەر كورسەتىپ، پاتسيەنتتەردى زەرتحانالىق ادىستەرمەن تەكسەرىستەن وتكىزەدى. قاجەت بولعان جاعدايدا كىشىگىرىم وتالار جاسايدى، جوسپارلى ەمدەۋگە جاتقىزۋعا جولداما بەرەدى. بۇل ءوز كەزەگىندە ەلدىمەكەندەردىڭ اۋداندىق جانە وبلىستىق اۋرۋحانالاردان شالعايدا ورنالاسۋىنا بايلانىستى تۇرعىنداردىڭ اۋرۋىن دەر كەزىندە انىقتاماۋ جانە ەمدەمەۋ سالدارىنان تۋىنداپ وتىرعان وتكىر ماسەلەنى شەشۋگە كومەكتەسەدى.

2022 جىلى قازاقستان بويىنشا ەكى مەديتسينالىق پويىزدىڭ باعدارى جوسپارلانعان. پويىزدار جالپى العاندا، شالعايدا ورنالاسقان 147 ستانتسياعا بارادى.

ج

«جاردەم» مەديتسينالىق پويىزى 23 مامىردان 6 قاراشاعا دەيىن 80 ستانتسيانى، ال «سالاماتتى قازاقستان» 20 ماۋسىمنان 2 قاراشاعا دەيىن 67 ستانتسيانى ارالايدى. پويىزدار جالپى سانى 60 مىڭ ادامدى قامتىماق. اتاپ ايتقاندا، دارىگەرلەردىڭ قابىلداۋىنا كەلۋ سانى 100 مىڭ، دياگنوستيكالىق ەمشاراعا 18 مىڭ، شاعىن حيرۋرگيالىق وپەراتسياعا 1 200 بولسا، 8 مىڭ ادامعا ستوماتولوگيالىق كومەك كورسەتىلەدى دەپ كۇتىلۋدە. مەديتسينالىق پويىزدار بۇكىل قازاقستاندى ارالايدى. ماسەلەن، «جاردەم» – قىزىلوردا، باتىس قازاقستان، اقتوبە، اتىراۋ، ماڭعىستاۋ، تۇركىستان، جامبىل وبلىستارىنا، «سالاماتتى قازاقستان» الماتى، شىعىس قازاقستان، پاۆلودار، سولتۇستىك قازاقستان، اقمولا، قوستاناي جانە قاراعاندى وبلىستارىنا بارادى.

دەنساۋلىق ساقتاۋ مينيسترلىگى پويىزداردى دارىگەرلىك بريگادالارمەن جانە قاجەتتى جابدىقتارمەن قامتاماسىز ەتەدى. مەديتسينالىق پەرسونالدىڭ قۇرامىندا ءارتۇرلى بەيىندەگى بىلىكتى ماماندار: تەراپەۆت، پەدياتر، كارديولوگ، نەۆروپاتولوگ، وفتالمولوگ، گينەكولوگ، حيرۋرگ، ۋرولوگ، ماممولوگ جانە ستوماتولوگ بارىن اتاپ وتكەن ءجون. بيىل بىلىكتى  مامانداردىڭ قاتارى پسيحولوگ جانە دەرماتوۆەنەرولوگپەن تولىقتى.  مەديتسينالىق جابدىقتار جاپون جانە نەمىس وندىرۋشىلەرىنىڭ ءونىمى. ولاردىڭ قاتارىندا اپپاراتۋرا قاجەت بولعان جاعدايدا كەڭەيتىلگەن جالپى جانە بيوحيميالىق تالداۋلار، رەنتگەنوگرافيا مەن فليۋروگرافيا، ىشكى اعزالار مەن تامىرلاردىڭ ۋدز-زەرتتەۋلەرىن، ەلەكتروكارديوگرامما، گاستروفيبروسكوپيا جانە  دياگنوستيكالىق زەرتتەۋلەردىڭ باسقا دا تۇرلەرىن جۇرگىزۋگە مۇمكىندىك بەرەدى. سونىمەن قاتار بيىل ستاموتولوگيالىق قۇرىلعىلار دا جاڭارتىلعان.

ەسكە سالا كەتەيىك، اتالعان جوبا ەڭ العاش رەت 2010 جىلى ىسكە قوسىلىپ، 2019 جىلى كوروناۆيرۋستىق پاندەمياعا وراي توقتاتىلعان بولاتىن. وسى كەزەڭ ىشىندە «دەنساۋلىق»، «جاردەم» جانە «سالاماتتى قازاقستان» اتتى ءۇش كونسۋلتاتسيالىق-دياگنوستيكالىق پويىز قازاقستاننىڭ شالعايدا ورنالاسقان 1700-دەن اسا ەلدىمەكەنىن ارالاپ، 488 881 تۇرعىندى تەكسەرۋدەن وتكىزدى. ونىڭ ىشىندە 101 614 بالا بار. سونىمەن قاتار 1 647 138 دياگنوستيكالىق ەم-شارا، 11 981 كىشى امبۋلاتوريالىق وپەراتسيا وتكىزىلدى. ماممولوگ ماماندار 67 148 ايەلدى قابىلداسا، جالپى ادامدار دارىگەردىڭ قابىلداۋىندا 2 873 542 رەت بولدى.

جوبا يندۋستريا جانە ينفراقۇرىلىمدىق دامۋ جانە دەنساۋلىق ساقتاۋ مينيسترلىكتەرىنىڭ قولداۋىمەن، «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورى، «قازاقستان تەمىر جولى» ۇك اق-مەن بىرلەسىپ ىسكە اسىرىلادى.

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار