الەمدىك جانە ءداستۇرلى دىندەر ليدەرلەرىنىڭ VII سەزى قارساڭىندا وتكىزىلگەن كونفەرەنتسيا جۇمىسىنا اقپارات جانە قوعامدىق دامۋ ۆيتسە-ءمينيسترى س.ەگىزباەۆ, كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىنىڭ باسقارما توراعاسى ب.سارسەنباەۆ مودەراتورلىق ەتتى.
ءىس-شاراعا ءال-ازحاردىڭ يسلامدىق زەرتتەۋلەر اكادەمياسىنىڭ باس حاتشىسى نازير مۋحاممەد مۋحاممەد ال-نازير اياد, ۆاتيكاننىڭ دىنارالىق ديالوگ بويىنشا پاپالىق كەڭەسىنىڭ يسلام ماسەلەلەرى جونىندەگى بيۋروسىنىڭ باسشىسى, مونسەنور حالەد اكاشە, رەسەي-اراب زەرتتەۋ جانە اقپارات ورتالىعىنىڭ توراعاسى مادجيد ابدۋلازيز ات-تۋركي, يران يسلام رەسپۋبليكاسىنىڭ مادەنيەت جانە يسلام بايلانىستارى ۇيىمىنىڭ دىندەر مەن مادەنيەتتەر ديالوگى ورتالىعىنىڭ يسلام جانە حريستيان ديالوگى دەپارتامەنتىنىڭ ديرەكتورى, دوكتور زاحرا راشيدبەيگي, «سومايا ۆيدياۆيحار» ۋنيۆەرسيتەتىنىڭ كونفەسسياارالىق قاتىناستار جانە ءوزارا تۇسىنىستىك جونىندەگى باعدارلاماسىنىڭ حاتشىسى رۋدراكشا ساكريكار, يسلام تاريحى, مادەنيەتى جانە ونەرىن زەرتتەۋ ورتالىعىنىڭ باس ديرەكتورى (IRCICA) كىلىچ ماحمۋد ەرول, قازاقستاننىڭ باس ءراۆۆينى ەشايا ەلازار كوگەن, قازاقستانداعى ءىنجىل-ليۋتەران شىركەۋىنىڭ ارحيەپيسكوپى يۋ.نوۆگورودوۆ, قمدب ناسيحات جانە جۇرتشىلىقپەن بايلانىس ءبولىمىنىڭ باسشىسى, عالىمدار كەڭەسىنىڭ حاتشىسى ب.مانسۇروۆ, سەرافيم عيباداتحاناسىنىڭ كليۋچارى, پروتويەرەي ە.كورولكوۆ, كەكتسا ءباسپاسوز حاتشىسى (قازاقستان جانە ورتالىق ازيا ەپيسكوپتارىنىڭ كونفەرەنتسياسى), مونسەنور پ.پىتلوۆانى, «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق جەتەكشى مەنەدجەرى ت.تولەۋ قاتىستى.
حالىقارالىق كونفەرەنتسيا بارىسىندا قاتىسۋشىلار بەيبىتشىلىكتى تۇراقتى دامىتۋ جانە ىنتىماقتاستىقتى نىعايتۋ بويىنشا كۇش-جىگەردى شوعىرلاندىرۋ ءۇشىن الەمدىك جانە ءداستۇرلى دىندەر ليدەرلەرىنىڭ ءوزارا ءىس-قيمىلى ماسەلەلەرىن تالقىلادى.
الەمدىك جانە ءداستۇرلى دىندەر ليدەرلەرى سەزىنىڭ ماقساتتارى مەن مىندەتتەرىنە كەڭىنەن توقتالعان ب.سارسەنباەۆ قازىرگى زامانعى سىن-قاتەرلەر مەن قاۋىپتەردىڭ ۋشىعۋى اياسىندا وزەكتىلىگى مەن قاجەتتىلىگىن كورسەتكەن سەزدىڭ تاريحى مەن ميسسياسى تۋرالى ايتىپ بەردى. «سەز الەمدىك دىندەر ليدەرلەرى مەن ءىرى ساياسي قايراتكەرلەردىڭ ناتيجەلى كەزدەسۋلەرى مەن كوممۋنيكاتسيالىق ءوزارا ءىس-قيمىلىن قامتاماسىز ەتەدى. ءىس-شارا سونداي-اق ادامزاتتىڭ رۋحاني جانە الەۋمەتتىك دامۋىنداعى الەمدىك جانە ءداستۇرلى دىندەر ليدەرلەرىنىڭ ءرولىن ايقىنداۋ ءۇشىن قاجەت» دەپ اتاپ ءوتتى ول.
ءوز كەزەگىندە قاسيەتتى تاقتىڭ پاپالىق كەڭەسىنىڭ دىنارالىق ديالوگ بويىنشا يسلام ماسەلەلەرى جونىندەگى بيۋروسىنىڭ باسشىسى, مونسەنور حالەد اكاشە حالىقارالىق كونفەرەنتسيانى ۇيىمداستىرۋشىلارعا العىسىن بىلدىرە وتىرىپ, ءىس-شارانىڭ تاقىرىبى بۇگىنگى جانە بولاشاق ۇرپاق ءۇشىن ۇلكەن ماڭىزعا يە ەكەنىن ايتتى. ءسوز تىزگىنىن العان رۋدراكشا ساكريكار الەمنىڭ تۇراقتى دامۋىنىڭ نەگىزگى اسپەكتىلەرى رەتىندە قوعامدى, قورشاعان ورتانى, مادەنيەت پەن ەكونوميكانى اتاپ ءوتتى. ول ءدىن ۇيرەتەتىن ەتيكالىق جانە مورالدىق قۇندىلىقتار مەن ءدىني كوشباسشىلاردىڭ ۇلەسى تۇراقتى دامۋعا قول جەتكىزۋ ءۇشىن وتە ماڭىزدى ەكەنىن اتاپ ءوتتى.
يسلام تاريحى, مادەنيەتى جانە ونەرىن زەرتتەۋ ورتالىعىنىڭ باس ديرەكتورى (IRCICA) ماحمۋد ەرول كىلىچ ولاردىڭ ۇيىمى عىلىمي-زەرتتەۋ جوبالارىنىڭ, كونفەرەنتسيالار مەن كوركەمدىك ءىس-شارالاردىڭ ناتيجەلەرىن كوپشىلىككە تاراتۋ ارقىلى الەمنىڭ تۇراقتى دامۋىنا ۇلەس قوساتىنىن حابارلادى. سونداي-اق ءدىني ليدەرلەردىڭ ءتۇرلى عىلىمي كونفەرەنتسيالارىنىڭ كۇن ءتارتىبى, ونىڭ ىشىندە وسى كونفەرەنتسيا ولاردىڭ مادەني ديپلوماتياعا قوسقان ۇلەسىن ايقىن كورسەتەدى.
كونفەرەنتسياعا قاتىسۋشىلار ءىس-شارانى ۇيىمداستىرۋ جونىندەگى باستاماسىن وڭ باعالاپ, كونفەسسياارالىق جانە وركەنيەتارالىق ديالوگتى حالىقارالىق دەڭگەيدە ىلگەرىلەتۋدىڭ ماڭىزدىلىعىن اتاپ ءوتتى.
ب.سارسەنباەۆ شەتەلدىك جانە قازاقستاندىق ءدىن ليدەرلەرى مەن ساراپشىلاردىڭ باياندامالارىن قورىتىندىلاي كەلە, ونلاين كونفەرەنتسيا الەمنىڭ تۇراقتى دامۋىن ىلگەرىلەتۋدەگى تاعى ءبىر قادام بولاتىنىنا سەنىم ءبىلدىردى.
