ءىىم قىلمىستىق-اتقارۋ جۇيەسى كوميتەتىنىڭ مالىمەتىنشە, قر قك 99-بابىنىڭ 2-ءبولىمى («ەكى جانە ودان دا كوپ ادامدى ءولتىرۋ») بويىنشا ءومىر بويىنا باس بوستاندىعىنان ايىرىلعان سوتتالۋشى وتكەن جىلدىڭ قازانىنان باستاپ الماتىنىڭ تەرگەۋ يزولياتورىندا جازاسىن وتەپ جاتىر.
قاجك ەل اۋماعىندا 80 تۇزەۋ مەكەمەسى بار ەكەنىن اتاپ ءوتتى. ولاردىڭ بىرەۋى عانا قوستاناي وبلىسى بويىنشا قاجد ۋك-161/3 ء ومىر بويىنا سوتتالعان ادامدارعا ارنالعان.
دجۋنوۆ مەرزىمىن وتەيتىن توتەنشە قاۋىپسىزدىك مەكەمەسى جىتىقارا قالاسىنان 25 شاقىرىم جەردە ورنالاسقان.
ايتا كەتەيىك, بۇل مەكەمەدە اسا اۋىر قىلمىسقا بارعان ۆلاديسلاۆ چەلاح پەن الماتىدا تەررورلىق شابۋىل جاساعان رۋسلان كۇلەكباەۆ جازاسىن وتەپ جاتىر.
ەسكە سالايىق, 2021 جىلدىڭ 20 قىركۇيەگىندە الماتىنىڭ اقبۇلاق شاعىناۋدانىندا بەس ادامنىڭ ولىمىنە قاتىستى ءىس بويىنشا باستى سوت پروتسەسى بولعان. سوتتا دجۋنوۆ وتباسىن ۇيىنەن شىعارۋعا كەلگەن بەس ادامدى قالاي ولتىرگەنىن ايتىپ بەردى.
