ءىس-شارانى «دامۋ» كاسىپكەرلىكتى دامىتۋ قورى» اق ۇيىمداستىرعان.
كورمەدە ازىق-ت ۇلىك, قۇرىلىس, جيھاز جانە توقىما ونەركاسىبىنىڭ, اۋىل شارۋاشىلىعىنىڭ 350 كومپانياسى, مامانداندىرىلعان تەحنيكا مەن جابدىقتار, كادەسىي جانە پوليگرافيالىق ءونىم وندىرۋشىلەر تانىستىرىلدى. ولار ەلوردا تۇرعىندارى مەن قوناقتارىنا ءوز ونىمدەرىن كورسەتتى. ءىس-شارا اياسىندا «حالىق تاڭداۋى» تاۋەلسىز دەگۋستاتسيالىق كونكۋرسى, قازاقستاندىق جەتەكشى وندىرۋشىلەردىڭ ايەلدەر جانە ەرلەر كيىمدەرىنىڭ توپتامالارى ۇيىمداستىرىلدى. سول سياقتى كورمە قاتىسۋشىلارى اراسىندا كۇندەلىكتى ۇتىس ويىندارى وتكىزىلدى.
«Ulttyq Onim كورمە-جارمەڭكەسىن «دامۋ» كاسىپكەرلىكتى دامىتۋ قورى نۇر-سۇلتان قالاسى اكىمدىگىنىڭ قولداۋىمەن ۇيىمداستىردى. ونىڭ نەگىزگى يدەياسى – قازاقستاندا وندىرىلگەن ونىمدەردى دامىتۋ. ءىس-شاراعا ەكونوميكامىزدىڭ ءتۇرلى سالالارىندا ءونىم وندىرەتىن 350-دەن استام كاسىپورىن قاتىستى. ونىڭ ىشىندە 45-تەن استامى – ءبىزدىڭ ەكونوميكامىزدىڭ 8 سالاسىنىڭ وكىلى بولىپ سانالاتىن نۇر-سۇلتان قالاسىنىڭ كاسىپورىندارى, سونداي-اق ۇلتتىق ونىمدەرىمىزدى دامىتاتىن قولونەرشىلەر. بۇل الاڭ وتاندىق ونىمدەردى دامىتۋ ءۇشىن وتە پايدالى, ونى حالىق اراسىندا تانىمال ەتۋ ءۇشىن, بۇل دا وتە ماڭىزدى, سونداي-اق ودان ءارى ەكسپورتقا باعىتتالۋ ءۇشىن دە ماڭىزدى», دەدى نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرجان بالتاەۆ.
«فابريكا 2011 جىلى قۇرىلعان. ءبىز ءۇشىن تاۋ-كەن ونەركاسىبىنە داعدىلانعان اياق كيىمدەر وندىرەمىز. كورمە ءبىزدىڭ ءوندىرىستى ۇلعايتۋعا, وبلىس اۋماعىنان تىس جوعارى دەڭگەيگە شىعۋعا ۇلكەن مۇمكىندىك بەرەدى. جۇرت ءبىزدىڭ نە وندىرەتىنىمىزدى ءبىلۋ ءۇشىن مۇنداي كورمەلەردەن قالماي, قاتىسۋعا تىرىسامىز», دەدى قاراعاندى اياق كيىم فابريكاسىنىڭ قىزمەتكەرى رۋستام تالاسبەكوۆ.
