پرەزيدەنت بۇعان دەيىنگى كەزدەسۋدە ءىرى بيزنەس وكىلدەرىنە باسىمدىق بەرسە, بۇل جولى شاعىن جانە ورتا بيزنەس وكىلدەرى نازارعا الىندى. شامامەن 80-گە جۋىق كاسىپكەر جيىلدى. بىرقاتار ماسەلە كوتەرىلدى. اتاپ ايتقاندا, سالىق ساياساتىنا, پاندەميادان كەيىنگى تەكسەرۋ, يمپورت, وڭىرلەردەگى كاسىپكەرلىكتى دامىتۋ ماسەلەلەرىنە نازار اۋدارىلدى.
«اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى رايىمبەك باتالوۆ شاعىن جانە ميكروبيزنەستىڭ بىرقاتارى «كولەڭكەدە» جۇرگەندىكتەن, بارلىعىنا بىردەي سالىق جۇيەسىن ەنگىزۋ باستاماسىن كوتەردى. سونداي-اق تەكسەرۋدى توقتاتۋدى تاعى ءبىر جىلعا, ياعني 2024 جىلدىڭ 1 قاڭتارىنا دەيىن ۇزارتۋعا قاتىستى باستاما كوتەرىپ جاتىرمىز.
جالپى, بيزنەس سالاسىندا قوردالانعان ءبىراز ماسەلە بار. پرەزيدەنتتىڭ قولداۋىنىڭ ارقاسىندا كاسىپكەرلىك داميدى دەپ ويلايمىن. مىسالى, شاعىن جانە ورتا بيزنەستىڭ ۇلەسى – 34,7 پايىز. الايدا بۇل كورسەتكىش دامىعان ەلدەردە 50 پايىزدان جوعارى. اتالعان كورسەتكىشكە جەتۋ ءۇشىن «اتامەكەن» دە اۋقىمدى جۇمىس اتقارىپ جاتىر.
ءبىزدىڭ ەسەپتەۋىمىز بويىنشا, 2020 جىلى 31 مىڭعا تارتا كاسىپكەر ءوز ءىسىن توقتاتتى. بىراق قازىر كاسىپكەرلىكتىڭ سانى ارتقانىن كورىپ وتىرمىز. ۇلتتىق ەكونوميكا مينيسترلىگىنىڭ دەرەكتەرىنە سۇيەنسەك, 1,4 ملن-نان استام كاسىپكەرلىك سۋبەكتىسى بار. ولار 3,5 ملن ادامدى جۇمىسپەن قامتىپ وتىر. دەگەنمەن الەۋەتىمىز بۇدان دا جوعارى. ول ءۇشىن ءىرى, الپاۋىت كومپانيالار تاپسىرىستى جەرگىلىكتى كاسىپورىندارعا بەرۋى كەرەك.
باۋىرجان ورازعاليەۆ,
«اتامەكەن» ۇلتتىق كاسىپكەرلەر پالاتاسىنىڭ اپپارات باسشىسى
