قازاقستان • 22 مامىر، 2022

Ulttyq ónim – وتاندىق وندىرۋشىلەرگە ورتاق الاڭ

31 رەت كورسەتىلدى

استانادا وتاندىق وندىرۋشىلەردىڭ ءداستۇرلى Ulttyq ónim كورمەسى ۇيىم­داس­تىرىلدى. ەكى جىلدىق ۇزىلىستەن كەيىن قايتا جالعاسقان اۋقىمدى ءىس-شاراعا بيىل 350-دەن استام كومپانيا قاتىستى. وسىمەن التىنشى مارتە ۇيىمداستىرىلىپ، ءۇش كۇنگە جالعاسقان ءداستۇرلى كورمەدە باسەكەگە قابىلەتتى وتاندىق ونىمدەر پاش ەتىلىپ، كوپشىلىك نازارىنا ۇسىنىلدى.

سۋرەتتەردى تۇسىرگەن يگور بۋرگاندينوۆ

كورمەنىڭ اشىلۋ راسىمىنە پرەمەر-مينيستر ءاليحان سمايىلوۆ ارنايى كەلىپ قاتىستى. سونداي-اق كورمەنى ارالاعان مارتەبەلى مەيمانداردىڭ قاتا­رىندا پرەمەر-ءمينيستردىڭ ورىن­باسارى – قارجى ءمينيسترى ەرۇلان جاماۋباەۆ، ۇلتتىق ەكونوميكا ءمينيسترى الىبەك قۋانتىروۆ، ين­دۋس­تريا جانە ينفراقۇرىلىمدىق دامۋ ءمينيسترى قايىربەك وسكەنباەۆ، نۇر-سۇلتان قالاسىنىڭ اكىمى التاي كولگىنوۆ، «بايتەرەك» ۇلتتىق باس­قا­رۋ­شى حولدينگىنىڭ باسقارما توراعاسى قانات شارلاپاەۆ، «اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى رايىمبەك باتالوۆ، «دامۋ» كاسىپ­كەرلىكتى دامىتۋ قورىنىڭ باس­قار­ما ءتورايىمى گاۋحار بورىباەۆا، مەملەكەتتىك ورگاندار مەن بيزنەس قوعام­داستىقتىڭ وكىلدەرى بولعانىن اتاپ وتكەن ءجون.

ءاليحان سمايىلوۆ جينالعان جۇرت­شى­لىق الدىندا سويلەگەن سوزىندە ۇكى­مەت تاراپىنان كاسىپكەرلىكتى قولداۋ ءىس-شارالارى جۇزەگە اسىرىلىپ جاتقانىن جەتكىزدى. سونىڭ ناتيجەسىندە كەيىنگى 5 جىلدا شاعىن جانە ورتا بيزنەستىڭ ەلدىڭ ىشكى جالپى ونىمىندەگى ۇلەسى 27 پايىزدان 35 پايىزعا دەيىن ۇلعايدى.

سونىمەن قاتار پرەمەر-مينيستر شاعىن جانە ميكرو كاسىپكەرلىك سۋبەكتىلەرىن تەكسەرۋگە مەملەكەت باسشىسى ەنگىزگەن موراتوري ەلىمىزدە بيزنەس جۇرگىزۋدى جەڭىلدەتكەنىن اتاپ ءوتتى.

– يمپورتتى الماستىرۋ – كاسىپ­كەر­لەر ءۇشىن دامۋ الەۋەتى زور باعىتتاردىڭ ءبىرى. تەك وڭدەۋ ونەركاسىبىندەگى يم­پورت­تىڭ ۇلەسى وتكەن جىلى 38 ملرد دوللاردى قۇرادى. بۇل ءبىزدىڭ وتاندىق وندى­رۋ­شىلەرگە ءوز ءىسىن دامىتۋعا جانە جاڭا تاۋارلاردىڭ وندىرىسىنە ين­ۆەس­تيتسيالار باعىتتاۋ ءۇشىن ۇلكەن مۇمكىندىك بەرەدى. بۇگىندە ۇكىمەت 717 ينۆەستيتسيالىق جوبانىڭ پۋلىن جاساقتادى. ولاردىڭ 286-سى – 9،9 ترلن تەڭگە سوماسىنا يمپورتتى الماستىراتىن جوبا، – دەدى ءاليحان سمايىلوۆ.

ۇكىمەت باسشىسى 2022 جىلى جالپى قۇنى 1،7 ترلن تەڭگە بولاتىن 165 جوبانى ىسكە اسىرۋ جوسپارلانىپ وتىرعانىن اتاپ ءوتتى. وسىنداي ءار جوبانىڭ اينالاسىندا شاعىن جانە ورتا بيزنەس كومپانيالارىنىڭ بەلدەۋى داميتىن بولادى.

ءا.سمايىلوۆ بيزنەسكە اكىمشىلىك جۇكتەمەنى تومەندەتۋگە مۇمكىندىك بەرە­­تىن كاسىپكەرلىك سالاسىنداعى رەت­تەۋشىلىك ساياسات جونىندەگى زاڭ قابىل­دان­عانىن جەتكىزدى.

– ۇكىمەت بيزنەس جۇرگىزۋ جانە نارىق­تاعى مونوپوليالاردى جويۋ ءۇشىن باسەكەلەستىك اياسىن كەڭەيتۋ جۇ­مىستارىن جالعاستىرىپ جاتىر. وتاندىق كومپانيالاردىڭ كۆازي­مەم­لەكەتتىك سەكتوردىڭ ساتىپ الۋىنا قول جەتكىزۋدى جەڭىلدەتۋ باعى­تىن­دا بەلسەندى جۇمىس جۇرگىزۋدە. مەملەكەت باسشىسى اتاپ وتكەندەي، بيلىك پەن بيزنەستىڭ سىندارلى ءوزارا ءىس-قيمىلى الەۋمەتتىك-ەكونوميكالىق تۇراقتىلىقتىڭ نەگى­زىن قۇرايدى. وسى باعىتتا ۇكىمەت كاسىپكەرلەردى مەم­­لەكەتتىك قولداۋ شارالارىنىڭ تيىم­دىلىگى مەن اشىقتىعىن ارتتىرۋ بويىنشا جۇمىستى بەلسەندى تۇر­دە جالعاستىراتىن بولادى، – دەدى پرەمەر-مينيستر.

ر

ءداستۇرلى كورمەنى ادەتتەگىدەي «بايتەرەك» ۇلتتىق باسقارۋشى حول­دين­گىنە قاراستى «دامۋ» كاسىپ­كەر­لىكتى دامىتۋ قورى ۇيىمداستىردى. كور­مەگە قاتىسقان ميكرو، شاعىن جانە ورتا بيزنەس سۋبەكتىلەرىنىڭ ءبارى «دا­مۋ» قورى ارقىلى مەملەكەتتىڭ قو­لداۋىنا يە بولعاندار. ولاردىڭ قاتارىندا قىزىلوردالىق «سىر مارجانى» كومپانياسى دا بار. كۇرىش وسىرۋمەن ءھام وڭدەۋمەن اينالىساتىن كومپانيا ديرەكتورىنىڭ ورىنباسارى رۋسلان مناجادين ۇلىنىڭ ايتۋىنشا، مەملەكەتتىك قولداۋ كاسىپورىننىڭ جۇمىسىن ەداۋىر ىلگەرىلەتكەن.

– «سىر مارجانى» «بيزنەستىڭ جول كارتاسى – 2025» مەملەكەتتىك باع­دارلاماسى بويىنشا 120 ملن تەڭگەگە نەسيە الدى. بۇل سوما كومپانيانىڭ اينالىم قاراجاتىن تولىقتىرۋعا جۇمسالدى. سونىڭ ناتيجەسىندە كومپانيا جۇمىسى ودان ءارى جاندانا ءتۇستى. ىشكى نارىقتاعى بەلدى ويىنشىلاردىڭ ءبىرى رەتىندە Ulttyq ónim كورمەسىنە قاتىسقانىمىزعا قۋانىشتىمىز. بۇل ءبىزدىڭ كومپانيا ءۇشىن ۇلكەن مار­تەبە. باسەكەگە قابىلەتتى وتاندىق وندىرۋ­شى­لەر­دىڭ قاتارىنان تابىلۋ بىزگە ۇلكەن جاۋاپكەرشىلىك جۇكتەيدى، – دەيدى رۋسلان مناجادين ۇلى.

نارىقتا جيىرما جىلدان بەرى جە­مىستى جۇمىس ىستەپ كەلە جاتقان «سىر مار­جانى» سەرىكتەستىگىندە بۇگىندە 150-دەن استام ادام ەڭبەك ەتەدى. كومپانيا جىل سايىن 2 300 گەكتارعا كۇرىش ەگەدى. نەگىزىنەن كۇرىشتىڭ «يانتار»، «ليدەر»، «كۋبان»، «اقمارجان»، «نوۆاتور» سەكىلدى تۇرلەرىن وسىرۋگە باسىمدىق بەرىلگەن. بۇدان بولەك ورتاشا ەسەپپەن العاندا كۇرىشتىڭ ءار گەكتارىنان شامامەن 45،2 تسەنتنەردەن ءونىم جينايدى. سەرىكتەستىك تولىق تەحنولوگيالىق تسيكلدان تۇرادى. ياعني ءداندى قابىلداپ، وڭدەپ، دايىن ءونىم شىعارادى. ونىڭ ونىمدەرى ىشكى نارىقتان بولەك، رەسەي، وزبەكستان، قىرعىزستان، تۇرىكمەنستان، تاجىكستان جانە ۋكراينا ەلدەرىنە ەكسپورتتالادى. نارىقتا ۇلكەن سۇرانىسقا يە. كومپانيانىڭ پرەزيدەنتتىك «التىن ساپا» جانە «قازاقستاننىڭ ۇزدىك تاۋارى» سىيلىقتارىنىڭ يەسى ەكەنىن دە اتاپ وتكەن ءجون.

جۋرناليستەرگە سۇحبات بەرگەن «دامۋ» كاسىپكەرلىكتى دامىتۋ قورىنىڭ باس­قارما توراعاسى گاۋحار بورىباەۆا قازاقستاندىق كاسىپكەرلەرگە ارنالعان مەملەكەتتىك قولداۋ شارالارى ءوز جەمىسىن بەرىپ وتىرعانىن باسا ايتتى. Ulttyq ónim كورمەسىنە قاتىسىپ وتىرعان كوم­پانيالاردىڭ جەتىستىگى سونىڭ انىق دالەلى.

– وتاندىق وندىرۋشىلەردىڭ ءداستۇرلى Ulttyq ónim كورمەسىنىڭ تانىمال­دى­لىعى ارتىپ كەلەدى. تيىسىنشە، مەملە­كەت­تىك قولداۋ شارالارى دا كوبەيۋ­دە. جاڭا وندىرىستەر پايدا بولىپ، كاسىپكەرلەر سانى ارتۋدا. Ulttyq ónim كور­مەسى مۋلتيپليكاتيۆتىك جاقسى اسەر ەتىپ، شاعىن جانە ورتا بيزنەستىڭ ودان ءارى دامۋىنا جاڭاشا سەرپىن بەردى دەپ ويلايمىن. شاعىن جانە ورتا بيزنەس ەلدەگى سۇرانىستى قامتاماسىز ەتىپ قانا قويماي، ءونىمدى شەتەلگە دە شىعارا الاتىنىن دالەلدەۋدە، – دەدى گاۋحار بورىباەۆا.

وسى ورايدا كورمەنى ۇيىمداستىرعان «دامۋ» قورى 2021 جىلى جالپى سوماسى 2،2 ترلن تەڭگە بولاتىن 57،4 مىڭ جوباعا قولداۋ كورسەتكەنىن ەسكە سالا كەتەيىك. بۇل 2020 جىلمەن سالىستىرعاندا جوبالار سانى جاعىنان 74 پايىزعا ارتىق. بيىل «دامۋ» قورى سۋبسيديالاۋ جانە كەپىلدىك بەرۋ بويىنشا 42 مىڭعا جۋىق جوبانى قولداۋدى جوسپارلاپ وتىر.

– «دامۋ» قورى 2010 جىلدان بەرى شامامەن 160 مىڭ جوباعا قولداۋ كورسەتتى. ونىڭ كوپ بولىگى، ياعني 92 پايىزى ميكرو جانە شاعىن بيزنەسكە تيەسىلى. 2020 جىلدان باستاپ قوردىڭ كومەگى نەگىزىنەن ميكرو جانە شاعىن كاسىپورىندارعا باعىتتالدى، – دەپ ناقتىلادى قوردىڭ باسشىسى.

ەلوردا تۇرعىندارى مەن قوناقتارى ءۇش كۇندىك كورمەنى تاماشالاپ قانا قويماي، Made in KZ ماركاسىمەن شىعاتىن تاۋارلاردى ساتىپ الۋعا دا مۇم­كىندىك الدى. اسىرەسە، جەڭىل جانە تاماق ونەركاسىبى، ماشينا جاساۋ جانە فارماتسەۆتيكا ونىمدەرى، جيھاز­دار، اعاشتان جاسالعان تاۋارلار، زەر­گەر­لىك بۇيىمدار جانە تاعى باسقا­لا­رى كەلۋشىلەر تاراپىنان جوعارى باعالاندى.

بۇدان بولەك، كەلۋشىلەر ءۇشىن «حا­لىق تاڭداۋى» دەگۋستاتسيالىق باي­قاۋى وت­­كى­زىلدى. سونداي-اق قا­زاق­ستاندىق جە­تەك­­­شى وندىرۋ­شىلەردىڭ ايەلدەر مەن ەر­لەر­گە ارنالعان كيىمدەرىنىڭ توپتاما­لارى كورسەتىلدى. بيلەتتەر بويىن­شا كورمە قاتىسۋشىلارى اراسىندا كۇن­دەلىكتى ۇتىس ويىندارى ۇيىم­داس­تى­رىلدى.

سونىمەن قاتار Ulttyq ónim كور­مە­سى قازاقستاندىق كاسىپكەرلەردىڭ شە­تەلدىك سەرىك­تەس­تەرمەن جانە ينۆەس­تورلارمەن كەزدە­سۋى ءۇشىن تاماشا الاڭ. كورمە اياسىن­­دا كاسىپكەرلەرگە فران­چايزينگتىك كوم­پانيالاردىڭ فورۋمى مەن ءتۇرلى شەبەر­لىك ساباقتارى ۇيىم­داستىرىلدى. وندا تانىمال كاسىپ­كەر­لەر وزدەرىنىڭ پايدالى بىلىمدەرىمەن، تاجىريبەلەرىمەن ءبولىستى.

پ

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار