تەننيس • 22 مامىر، 2022

قازاقستاندىق تەننيسشىلەر حالىقارالىق جارىستاردا جەڭىسكە جەتتى

12 رەت كورسەتىلدى

قازاقستاندىق جاس تەننيسشىلەر بىرنەشە حالىقارالىق تۋرنيردە جەڭىمپاز اتاندى، دەپ حابارلايدى Egemen.kz.

قازاقستان تەننيس فەدەراتسياسى ءمالىم ەتكەنىندەي، تەگەران قالاسىندا 18 جاسقا دەيىنگىلەر اراسىندا ءۇشىنشى ساناتتاعى ITF جارىسىندا اقتاۋلىق دانيال راحماتۋللاەۆ جەكەلەي سىندا ۇزدىك شىقتى.

ول فينالدا دودانىڭ 6-راكەتكاسى، ماروككولىق يلياس ءفاحيمدى 7:5، 6:1 ەسەبىمەن تىزە بۇكتىردى. دانيال جۇپتىق سىندا رەسەيلىك اميرحامزا ناسريدينوۆپەن بىرگە فينالعا دەيىن جەتىپ، تۋنيستىك راەن حاماسي - پولياك گوران شكولاعا ەسە جىبەردى - 3:6، 4:6.

تۇركيادا 14 جاسقا دەيىنگىلەر اراسىندا ءۇشىنشى ساناتتاعى Tennis Europe تۋرنيرىندە اقتوبە تەننيس مەكتەبىنىڭ تۇلەگى ەۆا كورىشەۆا ءوزىنىڭ ءىرى حالىقارالىق جارىستاعى العاشقى تيتۋلىنا قول جەتكىزدى. ەۆا سوڭعى باسەكەدە تۋنيستىك يميس حوماسپەن وينادى. قازاقستاندىق تەننيسشى 5:7، 6:0، 6:1 ەسەبىمەن جەڭىسكە جەتتى.

سلوۆەنيادا 14 جاسقا دەيىنگىلەر اراسىندا ەكىنشى ساناتتاعى وسىنداي جارىستا دامير جالعاسباي جۇپتىق سىندا شۆەتسيالىق ۆيكتور رايدەنمەن بىرگە چەمپيوندىق تۇعىرعا كوتەرىلدى. ولار فينالدا اۋستريالىقتار تيلو بەرمان - فلوريان تسيممەردى جەڭدى - 6:0، 7:6 (7:3).

جەكەلەي سىندا جارتىلاي فينالعا دەيىن جەتكەن دامير اۋستريالىق ت. بەرمانعا جول بەردى - 4:6، 0:6.

سلوۆەنيادا تاعى ءبىر قازاقستاندىق سوفيا يساكوۆا بەلارۋس وكىلى الەكساندرا بۋشەنكومەن بىرگە فيناليست اتاندى. تيتۋلدىق باسەكەدە دودانىڭ ءبىرىنشى راكەتكالارى، رەسەيلىكتەر اليا سينيتسا - دەنەسا سولداكوۆادان ايلاسىن اسىرا المادى - 5:7، 3:6.

ايانا توعانبەك

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار