ۇكىمەت • 22 مامىر، 2022

سۋ رەسۋرستارىن باسقارۋدىڭ جەكە مەملەكەتتىك ورگانى قۇرىلمايدى

19 رەت كورسەتىلدى

قر پرەمەر-ءمينيسترى ءاليحان سمايىلوۆ سۋ شارۋاشىلىعى ساياساتىن جەتىلدىرۋگە جانە جەكە مەملەكەتتىك ورگان قۇرۋعا قاتىستى سەناتورلاردىڭ دەپۋتاتتىق ساۋالىنا جاۋاپ بەردى، دەپ حابارلايدى Egemen.kz.

«قازىرگى ۋاقىتتا جاڭا سۋ كودەكسى ازىرلەنىپ جاتىر، وندا ەلدىڭ سۋ رەسۋرستارى الەۋەتىن ساقتاۋ ءۇشىن سۋ رەسۋرستارىن لاستانۋدان جانە سارقىلۋدان قورعاۋ نەگىزگى نورمالارمەن ايقىندالاتىن بولادى. بۇل رەتتە جاڭا كودەكستە سۋ رەسۋرستارىن، سونداي-اق گيدروتەحنيكالىق قۇرىلىستاردى باسقارۋعا جانە ولاردىڭ قاۋىپسىزدىگىن قامتاماسىز ەتۋگە قاتىستى قۇقىقتىق قاتىناستاردى جەكە نورماتيۆتىك قۇقىقتىق اكتىگە ءبولىپ شەكتەۋ جوسپارلانىپ وتىر»، دەلىنگەن ۇكىمەت باسشىسىنىڭ جاۋابىندا.

ءمالىم ەتكەنىندەي، سۋ قاۋىپسىزدىگىن قامتاماسىز ەتۋ بويىنشا ۇسىنىستار پاكەتى ازىرلەندى. وعان ترانسشەكارالىق وزەندەر بويىنشا كەلىسسوزدەر پروتسەسىندە قازاقستاننىڭ پوزيتسياسىن كۇشەيتۋ، ۋاكىلەتتى ورگاننىڭ، سونداي-اق ونىڭ ۆەدومستۆولىق باعىنىستى جانە عىلىمي ۇيىمدارىنىڭ كادرلىق الەۋەتىن ارتتىرۋ ماسەلەلەرى كىردى.

«ونى ۇكىمەت پەن پرەزيدەنت اكىمشىلىگى قارايتىن بولادى. بۇدان بولەك، قازىرگى ۋاقىتتا سۋ رەسۋرستارىن باسقارۋ جونىندەگى جەكە مەملەكەتتىك ورگان قۇرۋ جوسپارلانباعانىن اتاپ وتەمىز»، دەدى ءا. سمايىلوۆ.

ايانا توعانبەك

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار