ونەر • 22 مامىر، 2022

ەلىمىزدە «دەبيۋت» شىعارماشىلىق بىرلەستىگى قايتا قۇرىلادى

27 رەت كورسەتىلدى

قازاقستاندا «دەبيۋت» شىعارماشىلىق-وندىرىستىك بىرلەستىگى قايتا قۇرىلادى، دەپ حابارلايدى Egemen.kz. مۇنداي باستامانى ۇلتتىق كينونى قولداۋ مەملەكەتتىك ورتالىعى كوتەرىپ وتىر.

«قازىرگى ۋاقىتتا كينو ورتالىعى تانىمال كينەماتوگرافيستەرمەن بىرلەسىپ، ۇزاق جىلدار بويى «قازاقفيلم» كينوستۋدياسىنىڭ قۇرىلىمىندا بولعان «دەبيۋت» شىعارماشىلىق-وندىرىستىك بىرلەستىگىن قايتا قۇرۋ باستاماسىن كوتەردى. بۇل ماسەلە بۇگىندە بارىنشا وزەكتى دەپ سانايمىز»، دەپ اتاپ وتكەن ەدى ۇيىمنىڭ ءباسپاسوز قىزمەتى اگەنتتىكتىڭ رەسمي ساۋالىنا بەرگەن جاۋابىندا.

ال «ۇلتتىق كينونى قولداۋ مەملەكەتتىك ورتالىعى» كەاق باسقارما توراعاسى ەسەتجان قوسىباەۆتىڭ ايتۋىنشا، بۇل ءۇشىن اتالعان بىرلەستىكتىڭ قۇرىلىمىنا، قارجىلاندىرىلۋىنا جانە قىزمەتىنە قاتىستى ماسەلەلەردى شەشۋ قاجەت.

ء«بىز بۇل يدەيانىڭ نەگىزگى باستاماشىسى رەتىندە قازىردىڭ وزىندە مادەنيەت جانە سپورت ءمينيسترى داۋرەن اباەۆپەن اڭگىمەلەستىك جانە دە مينيسترلىكتەن بولاشاق بىرلەستىكتىڭ زاڭدى مارتەبەسىن كەلىسۋدى سۇرايتىن بولامىز»، دەدى ەسەتجان قوسىباەۆ.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار