ساياسات • 20 مامىر، 2022

سمايىلوۆ تمد ەلدەرىن ازىق-ت ۇلىك باعاسىمەن كۇرەستە كۇش بىرىكتىرۋگە شاقىردى

77 رەت كورسەتىلدى

قر پرەمەر-ءمينيسترى ءاليحان سمايىلوۆتىڭ توراعالىعىمەن تاۋەلسىز مەملەكەتتەر دوستاستىعىنىڭ ۇكىمەت باسشىلارى كەڭەسىنىڭ كەزەكتى وتىرىسى ءوتتى، دەپ حابارلايدى Egemen.kz  primeminister.kz سايتىنا سىلتەمە بەرىپ. 

بەينەكونفەرەنتسيا بايلانىسى رەجيمىندەگى وتىرىسقا ازەربايجان ۇكىمەتىنىڭ باسشىسى الي اسادوۆ، بەلارۋس ۇكىمەتىنىڭ باسشىسى رومان گولوۆچەنكو، قىرعىزستان ۇكىمەتىنىڭ باسشىسى اقىلبەك جاپاروۆ، رەسەي ۇكىمەتىنىڭ باسشىسى ميحايل ميشۋستين، تاجىكستان ۇكىمەتىنىڭ باسشىسى كوحير راسۋلزودا، وزبەكستان ۇكىمەتىنىڭ باسشىسى ابدۋللا اريپوۆ، سونداي-اق ارمەنيا ۆيتسە-پرەمەرى مگەر گريگوريان، تۇرىكمەنستان مينيسترلەر كابينەتى توراعاسىنىڭ ورىنباسارى مۋحاممەتگۋلى مۋحاممەدوۆ جانە تمد اتقارۋشى كوميتەتىنىڭ توراعاسى سەرگەي لەبەدەۆ قاتىستى. 

ءاليحان سمايىلوۆ قازاقستان رەسپۋبليكاسى ءۇشىن وسى جىلى تاۋەلسىز مەملەكەتتەر دوستاستىعىنا توراعالىق ەتۋ ۇلكەن قۇرمەت ەكەنىن اتاپ ءوتتى.

«بىلتىر ءبىز ۇيىمنىڭ 30 جىلدىعىن اتاپ وتتىك. تمد قىزمەتىنە وڭ باعا بەرىلدى، ۇيىمنىڭ ساياسي ديالوگتى قولداۋ، ساۋدا-ەكونوميكالىق جانە مادەني-گۋمانيتارلىق ءوزارا ءىس-قيمىلدى كەڭەيتۋ بويىنشا ايماقتىق الاڭ رەتىندە لايىقتى بەدەلگە يە بولعانى ايتىلدى. بۇگىندە تمد ەلدەرىمىز اراسىنداعى ىنتىماقتاستىقتى قولداۋدا ماڭىزدى ءرول اتقارىپ كەلەدى»، دەدى قر پرەمەر-ءمينيسترى.

وتىرىس بارىسىندا ۇكىمەت باسشىلارى تمد اياسىنداعى ەكونوميكالىق ىنتىماقتاستىقتىڭ وزەكتى ماسەلەلەرى بويىنشا پىكىر الماستى. 

ءاليحان سمايىلوۆ ءوز سوزىندە قازاقستاننىڭ توراعالىق ەتۋ اياسىنداعى باسىم مىندەتتەرىنىڭ ءبىرى ءوزارا ساۋدا كولەمىن ۇلعايتۋ جانە ونى ءارتاراپتاندىرۋ ەكەنىن اتاپ ءوتتى. 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار