ايماقتار • 20 مامىر، 2022

«استراحان-ماڭعىستاۋ» سۋ قۇبىرى كۇردەلى جوندەۋدى تالاپ ەتەدى

27 رەت كورسەتىلدى

ۇزىندىعى 1 مىڭ شاقىرىمنان اساتىن «استراحان-ماڭعىستاۋ» سۋ قۇبىرى 80 پايىزعا توزعان. كۇردەلى جوندەۋ قاجەتتىگى تۋىنداپ وتىر، دەپ حابارلايدى Egemen.kz.

بۇگىن وبلىس اكىمى سەرىك شاپكەنوۆ قۇرمانعازى اۋدانىنداعى «قيعاش» سۋ سورعى ستانساسىنا ارنايى باردى. ستانسا باسشىسى حاميت قابىلوۆتىڭ مالىمدەۋىنشە، نىساننىڭ قۋاتى تاۋلىگىنە 260 مىڭ تەكشە مەترگە ەسەپتەلگەن. بىراق قازىر تاۋلىكتىك قۋاتى – 110 مىڭ تەكشە مەتر.

«اتىراۋ، ماڭعىستاۋ وبلىستارىنىڭ ەلدى مەكەندەرى وسى قۇبىر ارقىلى اۋىز سۋمەن قامتىلادى. ەكى وبلىستى اۋىز سۋمەن جابدىقتايتىن قۇبىردىڭ جەلىلەرى، سورۋ، ءسۇزۋ قوندىرعىلارى ەسكىرگەن. ال، قيعاش اۋىلىنداعى ستانسا 1987 جىلى سالىنعان. عيماراتقا سوڭعى رەت 2010 جىلى «قازترانسويل» اق كومپانياسىنىڭ قارجىلاندىرۋمەن كۇردەلى جوندەۋ جۇرگىزىلدى. اتالعان ستانساعا، سۋاستى جابدىعىنا، سۋمەن جابدىقتايتىن سورعىلارعا كۇردەلى جوندەۋ قاجەت بولىپ تۇر»، دەيدى حاميت قابىلوۆ.

ايتا كەتەيىك، مەملەكەت باسشىسى قاسىم-جومارت توقاەۆ بىلتىرعى ساۋىردە «استراحان-ماڭعىستاۋ» سۋ قۇبىرىن جاڭارتۋدى تاپسىرعان ەدى. پرەزيدەنت وبلىس تۇرعىندارىنىڭ ءبىر بولىگى جانە وڭىردەگى بىرقاتار ءىرى مۇناي ءوندىرۋشى كومپانيا وسى ماگيسترال سۋىن تۇتىنىپ وتىرعانىنا نازار اۋدارعان بولاتىن.

«وسىعان بايلانىستى تەك اتىراۋ عانا ەمەس، اتالعان سۋ قۇبىرىن پايدالانىپ وتىرعان ماڭعىستاۋ وبلىسىنا دا سۋ بەرۋدە شەكتەۋلەر بولۋىنىڭ ىقتيمالدىعى جوعارى. بۇل - بۇكىل تۇرعىندى الاڭداتقان، قوردالانعان ماسەلە. ونى شەشەتىن ۋاقىت جەتتى. ۇكىمەت پەن «سامۇرىق-قازىنا» قورىنا «استراحان-ماڭعىستاۋ» سۋ قۇبىرىن جاڭعىرتۋ جانە جاڭارتۋدى قامتاماسىز ەتۋدى تاپسىرامىن»، دەگەن ەدى قاسىم-جومارت توقاەۆ.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار