ميلان ميلانوۆيچ 1963 جىلى 10 قاڭتاردا دۇنيەگە كەلگەن. فۋتبولشىلىق مانسابىندا سەربيانىڭ «چۋكاريچكي», گەرمانيانىڭ «اۋگسبۋرگ» كلۋبتارىندا دوپ تەپكەن.
ول باپكەرلىك مانسابىن 90-شى جىلداردىڭ ورتاسىندا باستادى. الدىمەن فارەر ارالدارىنىڭ «ۆب ۆاگۋر» جانە «تۆەرويري» كوماندالارىن جاتتىقتىردى. ال 2009 جىلى بوسنيا جانە گەرتسەگوۆينانىڭ «لاكتاشي» كلۋبىن باسقارسا, 2012 جىلى «شەريفتە» باس باپكەردىڭ كومەكشىسى بولىپ جۇمىس ىستەدى.
2012 جىلدان بەرى «حايدۋك» (حورۆاتيا) جانە سەربيانىڭ «نوۆي-پازار», وفك, «رادنيچكي» جانە «رادا» سياقتى سەرب كوماندالارىندا جۇمىس ىستەدى.
2019 جىلى قازاقستاندىق «ەرتىس» كومانداسىندا باس باپكەر بولدى.
2021 جىلى ارمەنيانىڭ «الاشكەرت» كومانداسىمەن كەلىسىم-شارت جاساستى.
ميلان ءميلانوۆيچتىڭ قوستانايلىق «توبىل» كومانداسىمەن كەلىسىم-شارت مەرزىمى وسى جىلدىڭ سوڭىنا دەيىن جاسالعان.
ەسكە سالساق, بۇدان بۇرىن «توبىل» كومانداسىنىڭ باس باپكەرى بولعان الەكساندر موسكالەنكو ءوز ەركىمەن قىزمەتىنەن كەتكەن ەدى.
ايانا توعانبەك
