17 مامىردا «ۋىلدىرىق شاشۋ» جەدەل الدىن الۋ ءىس-شاراسىن وتكىزۋ كەزىندە قاراعاندى وبلىسى پد تابيعاتتى قورعاۋ پوليتسياسى جانە پاترۋلدىك پوليتسيا باتالونىنىڭ قىزمەتكەرلەرى الماتى – ەكاتەرينبۋرگ اۆتوجولىندا, ياعني پريوزەرسك قالاسىنىڭ ماڭىندا اۆتوكولىكتى توقتاتتى.
كولىكتى كورشى قالانىڭ 35 جاستاعى تۇرعىنى باسقارعان. پوليتسەيلەردىڭ قۇجاتتارىن كورسەتىپ, جۇك سالعىشىن كورسەتۋ تۋرالى وتىنىشىنە جۇرگىزۋشى مازاسىزدانا باستادى. پوليتسيا جۇك بولىگىن تەكسەرۋ كەزىندە تولقۋدىڭ سەبەبىن انىقتادى. ەر ادام سالماعى 15 كەلى تابان بالىقتى الىپ كەلە جاتقان.
جۇرگىزۋشىنىڭ بالىق تاسىمالداۋعا رۇقسات قۇجاتتارى بولمادى. بالىقشىعا قاتىستى قر قك-ءنىڭ 335-بابى (بالىق رەسۋرستارىن, باسقا دا سۋ جانۋارلارىن نەمەسە وسiمدiكتەرىن زاڭسىز الۋ) بويىنشا سوتقا دەيىنگى تەرگەۋ باستالدى. بالىق رەسۋرستارىن زاڭسىز ءوندىرۋ ارقىلى تابيعاتقا كەلتىرىلگەن زالال بەلگىلەنەدى.
ايانا توعانبەك
