قازاقستان • 20 مامىر، 2022

بىزگە اتوم ەلەكتر ستانساسى كەرەك - ەنەرگەتيكا ءمينيسترى

40 رەت كورسەتىلدى

قر ەنەرگەتيكا ءمينيسترى بولات اقشولاقوۆ اتوم ەلەكتر ستانساسىن سالۋعا قاتىستى پىكىرىن ءبىلدىردى، دەپ حابارلايدى Egemen.kz.

«بىزگە اتوم ەلەكتر ستانساسى كەرەك. بۇرىنعى كولەمدە كومىر قولدانا بەرۋىمىزگە بولمايدى. قازىر كومىر ستانسالارىنا ەشكىم قارجى سالمايدى. وكىنىشكە قاراي، گاز تۇتىنۋدىڭ مۇمكىندىكتەرىن وزدەرىڭىز دە كورىپ وتىرسىزدار. بارعان سايىن ازايىپ كەلەدى. ەگەر جاڭا كوزدەردى اشىپ، يگەرۋ ءۇشىن اقشا سالماساق، گاز تاپشىلىعى تۋىندايدى»، دەدى بولات اقشولاقوۆ.

ءمينيستردىڭ ايتۋىنشا، اەس قۇرىلىسىنان تۋىنداۋى مۇمكىن تاۋەكەلدەردى باقىلاۋدا ۇستاۋعا بولادى.

«اتوم ستانساسى بارلىق ماسەلەنىڭ داۋاسى بولا المايدى، ارينە. بىراق، ول – تۇراقتى، سىناقتان وتكەن كوز بولار ەدى. ءيا، وعان قارسى ادامدار بار. قوعامدا ءتۇرلى ۇرەي بار. قازاقستاندا بۇل ماسەلەگە كەڭەس زامانىنداعى يادرولىق پوليگونمەن سالىستىرمالى تۇردە قارايدى. مەن ونى تۇسىنەم، نەگىزسىز دە ەمەس شىعار. بىراق، ازاماتتىق ەنەرگەتيكا تۇرعىسىنان ايتارلىقتاي قاتەرى جوق. كەز كەلگەن ءىستىڭ ءوز تاۋەكەلى بولادى. ءتىپتى، سۋ ىشسەڭىز دە، مۇنىڭ دا تاۋەكەلى بار. ەسەپتى دۇرىس جۇرگىزىپ، تاۋەكەلدەردى باسقارا الۋ كەرەك. ءبىز قازىر سول ەسەپتى جۇرگىزىپ جاتىرمىز. قايتالاپ ايتايىن، اتوم ستانساسى – بولاشاقتاعى ەلەكتر تاپشىلىعىن شەشۋدىڭ وتە جاقسى جولى بولا الادى»، دەدى مينيستر.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار