الەم چەمپيونانتىندا قازاقستان قۇراماسى ا توبىندا سىنعا ءتۇسىپ جاتىر. قارسىلاستارى - كانادا, سلوۆاكيا, گەرمانيا, دانيا, شۆەيتساريا, يتاليا جانە فرانتسيا.
بۇعان دەيىن قازاقستاندىق حوككەيشىلەر دانيا, فرانتسيا, شۆەيتساريا جانە كانادا قۇرامالارىنان جەڭىلدى.
ازىرگە قازاقستاننىڭ قورجىنىندا ۇپاي جوق. ال نەبارى ءۇش ۇپاي ەنشىلەگەن سلوۆاكيا تۋرنير كەستەسىندە التىنشى ورىندا كەلەدى.
ەكى قۇراما بۇعان دەيىن 7 مارتە كەزدەسكەن. ونىڭ بەسەۋى سلوۆاكيانىڭ جەڭىسىمەن اياقتالسا, ءبىر ويىندا تەڭ ناتيجە تىركەلدى.
ال 1998 جىلدىڭ 10 اقپانىندا قىسقى وليمپيادا ويىندارىندا قازاقستان اتالعان قارسىلاسىن 4:3 ەسەبىمەن جەڭگەن ەدى.
كەزدەسۋ ەلوردا ۋاقىتىمەن 23:20-دە باستالىپ, «Qazsport» تەلەراناسى ارقىلى تىكەلەي ەفيردە كورسەتىلەدى.
ايتا كەتسەك, الەم چەمپيوناتى 13-29 مامىر ارالىعىندا فينليانديانىڭ حەلسينكي جانە تامپەرە قالالارىندا وتەدى.
