وقيعا بۇگىن ساعات 00:10-دا اقتوبە-اتىراۋ تاسجولىندا بولعان. بايعانين اۋدانىنىڭ 40 جاستاعى تۇرعىنى وتباسىمەن بىرگە «Renault Duster» اۆتوكولىگىمەن جولعا شىققان. «اقتوبە–استراحان» تاس جولىنىڭ 248 شاقىرىمىندا, ياعني, قاراۋىلكەلدى اۋىلىنان 1 شاقىرىم جەردە جول جيەگىندە تۇرعان «Iveco» جۇك كولىگىنە سوعىلعان.
«كەيىن «Renault Duster» اۆتوكولىگى جول جيەگىندە تۇرعان ەكىنشى «كاماز» جۇك كولىگىنە بارىپ سوقتىعىسقان. جول-كولىك وقيعاسى سالدارىنان جۇرگىزۋشىنىڭ 41 جاستاعى ايەلى مەن 3 جاسار قىزى وقيعا ورنىندا كوز جۇمدى. وتاعاسى جانە ونىڭ 2005 جىلى تۋعان ۇلى بايعانين اۋداندىق اۋرۋحاناسىنىڭ جانساقتاۋ بولىمىنە جاتقىزىلدى», دەپ حابارلادى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
قازىرگى كەزدە قىلمىستىق كودەكستىڭ «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى» بابى بويىنشا سوتقا دەيىنگى تەرگەۋ امالدارى ءجۇرىپ جاتىر.
