رەفەرەندۋم-2022 • 20 مامىر، 2022

عىلىم ساراپشىلارى رەفەرەندۋمنىڭ ماڭىزدىلىعىن تالقىلادى

50 رەت كورسەتىلدى

اقپارات جانە قوعامدىق دامۋ مينيسترلىگىنىڭ قولدانبالى ەتنوساياسي زەرتتەۋلەر ينستيتۋتىنىڭ ەتنوساياسي ديسكۋرسى الاڭىندا «كونستيتۋتسيالىق رەفورمالار كونتەكسىندە ازاماتتىق تەڭدىك» تاقىرىبىندا ساراپشىلىق كەزدەسۋ ءوتتى، دەپ حابارلايدى Egemen.kz.

ونلاين فورماتتا وتكەن ءىس-شاراعا مينيسترلىك وكىلدەرى، «ادام قۇقىقتارى حارتياسى» قوعامدىق قورىنىڭ، ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ وكىلدەرى، پروفەسسورلار، سونداي-اق قحا عىلىمي-ساراپشىلىق كەڭەسىنىڭ، عىلىمي-ساراپشىلىق توپتارىنىڭ، قەزي جانىنداعى ساراپشىلىق توبىنىڭ مۇشەلەرى جانە باسقا دا مۇددەلى ساراپشىلار قاتىستى. 

ەتنوساياسي ديسكۋرس الاڭىندا ساراپشىلار رەفەرەندۋمنىڭ ماڭىزدىلىعى مەن قاجەتتىلىگى، ونى وتكىزۋگە قويىلاتىن تالاپتار، نەگىزگى زاڭعا تۇزەتۋلەر ەنگىزۋ قاجەتتىلىگى، سول تۇزەتۋلەردىڭ جاقتاۋشىلارى جانە قارسىلاستارى كىم، قانداي كونستيتۋتسيالىق رەفورمالار ازاماتتىق تەڭدىك ماسەلەلەرىنە جاۋاپ بەرەدى دەگەن وزەكتى سۇراقتارعا جاۋاپتاردى تەرەڭىرەك اشۋعا تىرىستى.

اپ

اتاپ ايتقاندا، ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى، زاڭ عىلىمدارىنىڭ دوكتورى، پروفەسسور، قحا عسك مۇشەسى مارات سوۆەت ۇلى كونستيتۋتسيالىق رەفورمالار بارلىق ازاماتتاردىڭ كونستيتۋتسيالىق قۇقىقتارىن قورعايتىن جانە مەملەكەتتىك تەتىكتەردىڭ تيىمدىلىگىن ارتتىراتىن ازاماتتىق تەڭدىك دوكتريناسىنىڭ نەگىزدەرىنە سايكەس كەلۋگە باعىتتالعان دەپ سانايدى. سونداي-اق، ول ءاربىر ازاماتتىڭ رەفەرەندۋمعا قاتىسۋىنىڭ ماڭىزدىلىعىن سوزگە تيەك ەتتى.

ءوز كەزەگىندە، «ادام قۇقىقتارى حارتياسى» قوعامدىق قورىنىڭ اتقارۋشى ديرەكتورى جەمىس وتەگەنقىزى جاڭا رەفورمالارعا سايكەس ءاربىر ازامات وزدىگىنشە ويلانىپ، مەملەكەتتىك اۋقىمداعى شەشىم قابىلداۋعا دايىن دەپ ەسەپتەيدى.

«بۇگىن ءبىز جاڭارتىلعان قازاقستاندا ءومىر سۇرگىمىز كەلە مە، جوق پا، سونى اركىم ءوزى ءۇشىن شەشۋى ءتيىس. ويتكەنى، حالىقتىڭ ۇسىنىلىپ وتىرعان كونستيتۋتسيالىق رەفورمالاردى قولداۋى زاڭنامانى عانا ەمەس، ازاماتتىق قۇقىق ساناسىن دا وزگەرتۋ جونىندەگى اۋقىمدى جۇمىستى جالعاستىرۋعا مۇمكىندىك بەرەدى»، دەيدى ول.

ءىس-شارا بارىسىندا قاتىسۋشىلار پىكىر الماسىپ، الداعى رەفەرەندۋمنىڭ ماڭىزدىلىعىن اتاپ ءوتىپ، وزدەرىنىڭ ازاماتتىق بورىشتارىن ورىنداۋعا دايىن ەكەندىكتەرىن ءبىلدىردى.

پ

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار