ەكونوميكا • 20 مامىر، 2022

قازاقستان-تۇركيا اراسىنداعى تاۋار اينالىمى 1،5 ملرد دوللارعا جەتتى

23 رەت كورسەتىلدى

2022 جىلدىڭ ءبىرىنشى توقسانىندا قازاقستان مەن تۇركيا اراسىنداعى تاۋار اينالىمى 1،5 ملرد اقش دوللارىنا جەتتى، دەپ حابارلايدى Egemen.kz مەملەكەتتىك كىرىستەر كوميتەتىنە سىلتەمە جاساپ.

قازاقستاننىڭ بارلىق شەت ەلدەرمەن جالپى تاۋار اينالىمىنا كوز جۇگىرتسەك، تۇركيا 6،5% ۇلەس-سالماعىمەن ءۇشىنشى ورىندا تۇر، ونىڭ ىشىندە يمپورت - 4،2%-دى، ال ەكسپورت – 7،2%-دى قۇرايدى.

2022 جىلدىڭ ءبىرىنشى توقسانىندا تۇركياعا قۇنى 1 251،9 ملن اقش دوللارىن قۇرايتىن تاۋارلار ەكسپورتتالعان، يمپورت 236،3 ملن دوللاردى قۇراعان. وسىلايشا، سىرتقى تاۋار اينالىمىنىڭ وڭ سالدوسى 1 ملرد اقش دوللارى دەڭگەيىندە بولدى.

تۇرىك ەلىنىڭ تاراپىنان وتىن-ەنەرگيا تاۋارلارىنا جوعارى سۇرانىس بولعان، ولاردىڭ قۇنى 885 ملن دوللار بولىپ، وسى جىلدىڭ ءۇش ايىنداعى جالپى ەكسپورتتىڭ 70،7%-ىن قۇرادى.

ەكىنشى ورىندا - مەتالدار مەن ولاردان جاسالعان بۇيىمدار، ولاردىڭ قۇنى 324 ملن دوللار نەمەسە ەكسپورت قۇرىلىمىندا - 25،9%-دى قۇراعان.

ودان باسقا تۇركياعا جانۋار جانە وسىمدىك تەكتى ونىمدەر، توقىما بۇيىمدارى، ماشينا جابدىقتارى، حيميا ونەركاسىبىنىڭ ونىمدەرى دە ەكسپورتتالعان.

يمپورتقا كەلەتىن بولساق، بيىل قازاقستانعا تۇركيادان 62 ملن اقش دوللارى سوماسىنا ماشينا جابدىقتارى،  قۇرىلعىلار مەن اپپاراتتار جونەلتىلگەن، بۇل يمپورتتىڭ 26،2%-ىن قۇرايدى.

ەكىنشى ورىنعا قۇنى 47،5 ملن اقش دوللارىن قۇرايتىن توقىما جانە توقىما بۇيىمدارى تۇراقتادى، ولار اتالعان ەلدەن كەلەتىن جالپى يمپورتتىڭ 20%-ىن قۇرادى.

ودان بولەك حيميا ونەركاسىبىنىڭ ونىمدەرى، جانۋار جانە وسىمدىك تەكتى ونىمدەر، مەتالدار مەن ولاردان جاسالعان بۇيىمدار، اياق كيىم، باس كيىم مەن گالانتەرەيا تاۋارلارى، قۇرىلىس ماتەريالدارى يمپورتتالعان.

وتكەن جىلدىڭ سايكەس كەزەڭىندە تاۋار اينالىمى 803،1 ملن اقش دوللارى دەڭگەيىندە بولعان. ول كەزدە ەكسپورت - 545،2 ملن دوللاردى،  ال يمپورت - 257،8 ملن دوللاردى قۇراعان ەدى.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار