ايماقتار • 20 مامىر، 2022

الماتىدا كولىك اپاتىنان ءبىر ادام كوز جۇمدى

14 رەت كورسەتىلدى

الماتىدا ورىن العان جانتۇرشىگەرلىك جول اپاتىنان ءبىر ادام قازا تاۋىپ، 4 ادام اۋرۋحاناعا جاتقىزىلدى، دەپ حابارلايدى Egemen.kz.

جول اپاتى بەينەلەنگەن بەينەبايان الەۋمەتتىك جەلىدە پايدا بولدى. الماتى قالالىق پوليتسيا دەپارتامەنتىنىڭ مالىمەتىنشە، وقيعا 19 مامىردا تۇنگى ساعات 23:45 شاماسىندا بولعان.

«Toyota Grاcia» كولىگىنىڭ 2001 جىلعى جۇرگىزۋشىسى ءال-فارابي داڭعىلىمەن باتىس باعىتتا ءجۇرىپ بارا جاتىپ، كولىك تىزگىنىنە يە بولا الماي قالعان. وسىلايشا جۇرگىزۋشى بەتون جيەكتاسقا سوعىلىپ، كەيىن ءال-فارابي داڭعىلىنىڭ بويىمەن ءجۇرىپ، 1994 جىلى تۋعان جۇرگىزۋشىنىڭ باسقارۋىنداعى «Chevrolet» ماركالى اۆتوكولىگىمەن سوقتىعىسقان. ءارى قاراي ول جارنامالىق تاقتانىڭ مەتالل تىرەگىنە كىرىپ كەتكەن»، دەدى الماتى قالالىق پد انىقتاۋ باسقارماسىنىڭ باستىعى ولجاس ءشارىپوۆ.

جول-كولىك اپاتىنىڭ سالدارىنان «Toyota Grاcia» كولىگىنىڭ 2001 جىلى تۋعان جولاۋشىسى وقيعا ورنىندا قازا تاپتى، كولىكتە بولعان ءتورت ادام، ونىڭ ىشىندە جۇرگىزۋشى دە ءارتۇرلى دەنە جاراقاتتارىمەن اۋرۋحاناعا جەتكىزىلدى.

بۇل دەرەك قر قىلمىستىق كودەكسىنىڭ 345-بابى 3-بولىگى بويىنشا سوتالدى تەرگەپ-تەكسەرۋدىڭ بىرىڭعاي تىزىلىمىنە تىركەلدى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار