احۋال ءالى كۇردەلى

دەگەنمەن الەۋمەتتىك جەلىدە تارالعان ۆيدەولاردا زاۋىت سىرتىنا شىققان جاۋىنگەرلەردىڭ اساي-مۇسەيىن اسىنىپ شىعىپ جاتقانى، تەكسەرۋدەن وتكەننەن كەيىن اۆتوبۋستارعا وتىرىپ جاتقانى كورسەتىلگەن. حا­لىق­ارالىق قىزىل كرەست ۇيىمى ساربازداردى تىركەپ جات­قا­نىن مالىمدەدى.

ۋكراينا تاراپى الداعى ۋاقىتتا «ازوۆستالدان» شىققان ساربازدار تۇتقىنعا تۇسكەن رەسەي جاۋىن­گەر­لەرىنە الماستىرىلاتىنىن حابارلادى. دەگەنمەن كرەمل بي­لىگى زاۋىتتى قورعاعان جاۋىنگەرلەردى «سودىرلارعا» بالاپ وتىر.

«سوڭعى تاۋلىكتە ماريۋپولدەگى «ازوۆستال» مەتال­لۋر­گيا­لىق زاۋىتىنا بەكىنگەن «ازوۆ» ۇلت­شىل­دا­رىنىڭ 771 سودىرى تۇتقىنعا ءتۇستى. 16 مامىردان بەرى 1 730 سودىر بەرىلدى، سونىڭ ىشىندە 80-ءى جارالانعان. ستا­تسيو­نارلىق ەمدەۋدى قاجەت ەتە­تىندەرىنە دونەتسك حا­لىق رەسپۋبليكاسىنىڭ (مويىندالماعان – اۆت.)نوۆوازوۆسك جانە دونەتسك قالا­لا­رىنداعى ەمدەۋ مەكەمەلەرىندە كومەك كور­سەتىلەدى»، دە­لىن­گەن رەسەي قورعانىس مينيسترلىگىنىڭ Telegram كانالىندا.

ۋكراينا پرەزيدەنتى ۆولوديمير زەلەنسكي ماريۋپول­دە­گى ەۆاكۋاتسيالاۋعا قاتىستى تۇسىنىكتەمە بەردى. ونىڭ اي­تۋىن­شا، قۇتقارۋ وپەراتسياسىنا حالىق­ارالىق ۇيىمدار كو­مەكتەسىپ جاتىر.

«ۋكراينا اسكەريلەرىنىڭ – ۋكراينا قارۋلى كۇشتەرىنىڭ، بارلاۋ قىزمەتىنىڭ، سونداي-اق كەلىسسوزدەر توبىنىڭ، حا­لىق­ارالىق قىزىل كرەست كوميتەتىنىڭ جانە بۇۇ-نىڭ ارەكەتتەرىنىڭ ارقاسىندا جاۋىنگەرلەرىمىزدىڭ ءومىرىن ساقتاپ قالا الامىز دەپ ۇمىتتەنەمىن. ۋكرايناعا باتىرلارىمىز تىرىدەي قاجەت ەكەنىن اتاپ وتكىم كەلەدى. بۇل – ءبىزدىڭ ۇستانىمىمىز»، دەدى ۆ.زەلەنسكي.

قىسقاسى، «ازوۆستالدەن» شىققان جاۋىن­گەر­لەر­دىڭ تاع­دىرى قالاي بولاتىنى ازىرگە تۇسىنىكسىز. رەسەي دۋما­سى­نىڭ كەيبىر دەپۋتاتى ولاردى تەرروريست رەتىندە جاۋاپقا تارتۋ كەرەك ەكەنىن، ايىرباس جاساۋعا بولمايتىنىن ايتقان-دى. ايتسە دە، ساراپشىلار ماسكەۋدىڭ مۇنداي ريتوريكاسى ىش­كى اۋديتورياعا ارنالعانىن العا تارتادى. ياعني، ۋكراينا مەن رە­سەي الداعى ۋاقىتتا تۇتقىنعا تۇسكەندەردى الماستىر­ۋى اب­دەن مۇمكىن.

ءوز كەزەگىندە ۇلىبريتانيا بارلاۋ قىزمەتى رەسەيدە جو­عارى شەندى وفيتسەرلەر مايدانداعى ساتسىزدىكتەرگە باي­لانىستى جۇمىستان بوساتىلىپ، ورنىنان الىن­عا­نىن حابارلادى. بارلاۋ قىزمەتىنىڭ مالىمەتىنە سۇ­يەن­­سەك، گەنەرال-لەيتەنانت سەرگەي كيسەل حاركوۆ تۇ­­بىن­دەگى ساتسىزدىگىنە بايلانىستى بوساتىلعان. ۆيتسە-ادميرال يگور وسيپوۆ «موسكۆا» كرەيسەرىنىڭ سۋعا باتىپ كەتۋىنە بايلانىستى قىزمەتىنەن شەتتەتىلگەن كو­رى­نەدى. رەسەي تاراپى بۇعان قاتىستى ەشقانداي پىكىر بىل­دىرگەن جوق.

امەريكالىق Politico باسىلىمىنىڭ حابارلا­ۋىن­شا، كيەۆ بيلىگى اقش پرەزيدەنتى دجو بايدەن اكىم­شى­لىگىنىڭ ۋكرايناعا الىس قاشىقتىققا دۇركىرەتە اتا الاتىن قارۋلار بەرۋ­دەن باس تارتقانىنا رەنجۋلى ەكەن.

اتاپ ايتقاندا، كيەۆ اتىس قاشىقتىعى 300 شاقىرىمعا دەيىن جەتەتىن امەريكالىق HIMARS جۇيەلەرىن بەرۋدى سۇ­را­عان. قازىرگى تاڭدا ۋكراينادا دۇركىرەتە سنارياد جاۋدىرا­تىن كەڭەستىك بىرنەشە جۇيە بار. بىراق ولاردىڭ تيىمدىلىگى الدەقايدا تومەن.

ۋكراينا تاراپى اسىرەسە دونباستاعى قاقتىعىسقا مۇن­داي جۇيەلەر قاجەت دەپ ەسەپتەيدى. ويتكەنى HIMARS-تىڭ اتىس جىلدامدىعى جانە جويقىن كۇشى رەسەيلىك اۋىر ارتيل­لەريادان اسىپ تۇسەدى. سوندىقتان سوعىس تاعدىرىن شە­شۋگە كومەكتەسەدى.

با­سىلىمعا پىكىر بىلدىرگەن ساراپشىلار اق ءۇيدىڭ مۇن­داي قارۋ بەرۋگە اسىقپاۋىندا ءمان بارىن ايتادى. اق ءۇي ۋكراينا جاۋىنگەرلەرى الىستاعى نىساندى جوياتىن اۋىر ارتيللەريالار ارقىلى رەسەي اۋماعىن اتقىلاۋى مۇمكىن دەپ ەسەپتەيدى. مۇنداي جاعدايدا سوعىس كۇرت ءورشىپ كەتۋى مۇمكىن.

بىرىككەن ۇلتتار ۇيىمىنىڭ وكىلدەرى ۋكرايناداعى سوعىس سالدارىنان ەلدەگى استىق ەكسپورتى قيىنداعانىنا بايلانىستى ازىق-ت ۇلىك داعدارىسى قاۋپى ءتونىپ تۇرعانىن ما­­لىمدەدى. كۇنى كەشەگە دەيىن الەمدەگى استىقتىڭ 10 پايىز­عا جۋىعىن ۋكراينا قامتاماسىز ەتىپ كەلدى. بىراق سوعىس باس­­­تالعالى رەسەي قارا تەڭىزدەگى ۋكراينا پورتتارىن قورشاۋعا الدى. سونىڭ سالدارىنان جۇزدەگەن مىڭ توننا اس­تىق مەجەلى جەرىنە جەتكەن جوق.