مەديتسينا • 19 مامىر، 2022

ءسابيدىڭ ساۋلىعى – ۇلتتىڭ بايلىعى

29 رەت كورسەتىلدى

بيىل كەنشىلەر استاناسىندا وبلىستى تۇگەلدەي قامتيتىن بالالار اۋرۋحاناسى ەسىگىن ايقارا اشپاق. بۇل ەلەۋلى وقيعانىڭ «بالالار جىلىنا» تۇسپا-تۇس كەلىپ وتىرعانىنىڭ ءوزى قۋانىشتى ەسەلەي تۇسەدى. بۇل – ءبىر. ەكىنشى جاعىنان، مەديتسينا سالاسى ماماندارى كەلتىرگەن دەرەكتەر بويىنشا، سوڭعى جىلدارى جاڭا تۋعان نارەستەلەر اراسىندا اۋرۋشاڭدىق بەلەڭ العان ەكەن. ال جاڭا نىساننىڭ بۇل قاتەرمەن كۇرەستە مىقتى قۇرال بولارى ءسوزسىز.

وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى گۇلنار جيەنباەۆا جاڭا مەكەمەنىڭ ىسكە قوسىلۋى دياگ­نوس­تيكالىق قىزمەتتەردىڭ سان سالاسىن كوبەيتۋ ەسەبىنەن مەديتسينالىق كومەك ساپاسىن ارتتىرۋعا، ەمدەۋ ءىس-شارالارىنىڭ اياسىن كەڭەيتۋگە مول مۇمكىندىك بەرەتىنىن ايتادى.

مىسالى، جاڭا اۋرۋحانادا كۇ­يىككە قارسى «كلينيترون-Clinitron» ماركالى كەرەۋەت بولادى. بۇدان بولەك وتە اۋىر كۇيىك جاراقا­تىن العان بالالار بۇل جەردە كەشەن­دى تۇردەگى مەديتسينالىق كومەك الادى. كۇيىك دەمەكشى، ماماندار ايتقان دەرەكتەرگە سۇيەنسەك، اۋرۋحاناعا تۇسكەن ءۇش جاسقا دە­يىن­گى بالالاردىڭ 80%-عا جۋىعى كۇيىك جاراقاتىنان زارداپ شەككەندەر ەكەن.

جاڭادان پايدالانۋعا بەرىلەتىن اۋرۋحانادا بىلىكتى ماماندار جاس بالالاردى قيناپ جۇرگەن سان الۋان سىرقاتتان ەمدەيدى. مى­سالى، مۇندا قۇلاعى مۇلدە ەستى­مەي­تىن كىش­كەن­تاي پاتسيەنتتەرگە ەستۋ پروتەزىن سالۋ مۇمكىندىگى قا­راس­تىرىلعان. مۇنىڭ ءوزى قوس قۇ­لا­عى مۇكىس جاس پاتسيەنتتەردى باسقا جاقتان ەم ىزدەپ سارىلۋدان قۇتقارادى دەپ سەنىممەن ايتۋعا بولادى.

سونىمەن قاتار جاڭا مەدي­­تسي­نالىق مەكەمەدە تراۆماتو­لو­گيا جانە ورتوپەديا، وتورينو­لا­رينگو­لوگيالىق بولىمشە بازاسىندا بەت-جاق حيرۋرگياسى جۇمىس ىستەمەكشى.

وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى گۇلنار جيەنباەۆا «بالا­لار جىلى» اياسىندا نارەستەلەر اراسىنداعى ەستۋ، كورۋ، سويلەۋ اۋىت­­قۋشىلىقتارىن جانە ءتۋا­بىتتى گيپوتەريوز دەرتىن انىقتاۋ ماق­سا­تىندا جىل سايىنعى الدىن الۋ جانە سكرينينگتىك تەكسەرۋلەر جۇرگىزۋدىڭ جالعاساتىنىن ايتادى.

– نەوناتالدى سكرينينگتەن جاڭا تۋعان نارەستەلەردىڭ ءبارى وتە­دى. ال وفتالمولوگيالىق سكرينينگ شالا تۋعان بالالار ءۇشىن جۇرگىزىلەدى. مىسالى، وسى جىل­دىڭ ءتورت ايى ىشىندە 382 نارەستە سكرينينگ­تەن ءوتتى جانە ولار­دىڭ 33-ىنە قازىرگى تاڭدا وپەرا­تسيا جا­سال­دى. اۋديولوگيالىق جانە پسي­حو­­فيزيكالىق سكرينينگتەر پەريناتالدى ورتالىق پەن پەرزەنتحانالاردا عانا ەمەس، سونىمەن قاتار ەمحانالاردا دا جاسالادى، – دەيدى گ.جيەنباەۆا.

ماماندار كەلتىرگەن دەرەك بو­يىنشا، بۇگىنگە دەيىن اۋديولوگيا­لىق سكرينينگتەن وتكەن 312 بالا­نىڭ ىشىندە 52 كىشكەنتاي پاتسيەنت جانە پسيحوفيزيكالىق تەكسەرۋ جاسالعان 70 مىڭ بالانىڭ 281-ءى پسيحولوگيالىق-مەديتسينالىق-پە­داگوگيكالىق كونسۋلتاتسيا كو­مە­گىنە جۇگىنۋگە جىبەرىلىپتى.

جالپى، وڭىردە ەرەكشە قا­جەت­­­تىلىكتەرى بار بالالاردى ساۋىق­­­تى­رۋعا باسا ءمان بەرىلگەن. مى­­­سالى، وبلىستا بۇگىندە 150 ورىن­­دىق رەس­پۋب­­ليكالىق ء«ۇمىت» ساۋىقتىرۋ ور­تا­لىعى قا­لىپ­­­تى جۇمىس ىستەيدى. بۇ­­دان بو­لەك قاراعاندى، جەزقازعان جانە تەمىرتاۋ قالالارىنداعى ءۇش بىر­­دەي ورتالىق مەملەكەت-جەكە­­­­مەن­شىك ارىپتەستىگى نەگىزىندە مە­دي­­­تسي­نالىق قىزمەت كورسەتەدى. مىنە، وسى مە­دي­تسينالىق مەكەمە­لەر­دە بيىل كامەلەت جاسىنا تول­ما­عان 1 700 مۇ­گەدەك بالا ەم-دوم قابىل­دا­عان.

قۇرىلىسى ۇزاققا سوزىلىپ كەت­­كەن جاڭا اۋرۋحانانىڭ بيىل پايدالانۋعا بەرىلەتىنىنە اۋرۋ-سىرقاۋى بار بالالاردىڭ اتا-انالارى عانا ەمەس، مەديتسينالىق ماماندار دا قۋانىشتى. وسى ورايدا وبلىستىق بالالار كلينيكا­لىق اۋرۋحاناسىنىڭ ديرەكتورى ارعىن بيدايبەكوۆ ەندىگى ۋاقىتتا جاس پاتسيەنتتەردى ەمدەۋدىڭ 200 ورىن­دىق كەڭ جانە زاماناۋي قۇرال-جابدىقپەن قاماتاماسىز ەتىلگەن اۋرۋحانادا جاڭا مۇمكىندىكتەر مەن جان-جاقتى جاعدايلارعا ساي ساپالى بولاتىنىن ايتادى.

 

قاراعاندى وبلىسى

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار