شاھار باسشىسىنىڭ سوزىنشە, اۋدانداعى كولىك ينفراقۇرىلىمىنىڭ نەگىزگى پروبلەمالارى مارشرۋتتاردىڭ جەتىسپەۋى جانە ولاردىڭ تۇراقتى قاتىناماۋى جىلجىمالى قۇرامنىڭ ازدىعىنا بايلانىستى.
«مەترونىڭ 2 جاڭا ستانتسياسىن ىسكە قوسۋ جوسپارلانعان, سوندىقتان وسى جىلدىڭ 1 قىركۇيەگىنە دەيىن قالانىڭ باتىس بولىگىندەگى مارشرۋتتىق جەلىگە وپتيميزاتسيا جۇرگىزۋدى قاراستىرىپ جاتىرمىز. وسىلايشا, ناۋرىزباي اۋدانىندا 3 جاڭا مارشرۋت اشىلادى, قازىرگى 5 مارشرۋت كۇشەيتىلەدى, بۇل كولىك قىزمەتىن ايتارلىقتاي جاقسارتۋعا مۇمكىندىك بەرەدى», دەدى قالا اكىمى.
سونىمەن قاتار, ول «قالقامان» ستانتسياسىنىڭ قۇرىلىسى باستالعانىن ءمالىم ەتتى.
«قازىرگى ۋاقىتتا «قالقامان» ستانتسياسىنىڭ قۇرىلىسى باستالدى. ول اباي داڭعىلىمەن ياسساۋي كوشەسىنەن باتىسقا قاراي ءاشىموۆ كوشەسىنە دەيىن ورنالاسقان. مەترونى 2025 جىلعا دەيىن سالىپ ءبىتىرۋ كوزدەلىپ وتىر», دەدى ەربولات دوساەۆ.
ايانا توعانبەك
