ءىس-شاراعا رەفەرەندۋمدى قوعامدىق قولداۋ جونىندەگى رەسپۋبليكالىق شتابتىڭ جەتەكشىسى تولەۋبەك مۇقاشەۆ, «اسسامبلەيا جاستارى» رەسپۋبليكالىق قوعامدىق بىرلەستىك توراعاسى تيمۋر جۇمىرباەۆ, سونداي-اق وبلىستىق جانە قالالىق ءماسليحاتتاردىڭ جاس دەپۋتاتتارى, وبلىستىق باسقارما باسشىلارى سونداي-اق, جاستار ۇيىمدارىنىڭ جەتەكشىلەرى مەن وكىلدەرى قاتىستى.
ءىس-شارانى رەفەرەندۋمدى قولداۋ رەسپۋبليكالىق قوعامدىق شتابىنىڭ جەتەكشىسى تولەۋبەك مۇقاشەۆ اشىپ, ساياسي ناۋقانعا قاتىسۋ جاستاردىڭ جاڭا قوعام قۇرۋعا ات سالىسۋى ءۇشىن بەرىلگەن مۇمكىندىك ەكەنىن اتاپ ءوتتى.
«اتا زاڭعا وزگەرىس ەنگىزۋ قاجەتتىلىگى تۋىندادى. كونستيتۋتسياعا تولىقتىرۋلار مەن وزگەرىستەر ەنگىزىلەتىن رەسپۋبليكالىق رەفەرەندۋمدى وتكىزۋگە بارلىعىمىز بىرىگىپ اتسالىسۋىمىز كەرەك. ەلدىڭ تاعدىرىن ايتىپ جاتقاندارىڭىزعا ريزامىز. بىزدەر اعا بۋىن سىزدەرگە سەنەمىز. الدىڭعى بۋىن مەن وسكەلەڭ ۇرپاق بىرگە بولۋى كەرەك. قازاق ەلى جاستارىنىڭ ءبارى جىگەرلى, ەلى مەن جەرىن سۇيەتىن پاتريوت اتاناتىنىنا ءۇمىت مول. ەلىمىزدى تاۋەلسىزدىگىمىزدى ساقتاپ ماڭگىلىك ەلگە اينالاتىنىمىزعا سەنەمىن», دەدى ت.مۇقاشەۆ.
پىكىرتالاس اياسىندا كوشباسشى جاستار رەفەرەندۋم وتكىزۋ جانە كونستيتۋتسيالىق رەفورما تۋرالى ءوز ويلارىن ورتاعا سالدى. جاس قازاقستاندىقتار ازاماتتىق قوعامنىڭ بەلسەندى بولىگى رەتىندە مەملەكەتتىڭ قوعامدىق-ساياسي جۇيەسىندەگى وزگەرىستەردى جانە جاڭا قازاقستان يدەياسىن جۇزەگە اسىرۋدىڭ جاستارعا اشاتىن مۇمكىندىكتەرىن تالقىلادى.
«جاڭا قازاقستان يدەياسى قوعامنىڭ ۇمتىلىسىنا جاقىن, ءار ءتۇرلى ساناتتاعى ازاماتتار العا قويعان زاماناۋي تالاپتارعا جاۋاپ بەرەدى. بۇل ەڭ الدىمەن, جاڭا قازاقستاننىڭ ادىلەتتىلىك پەن ءوزارا سىيلاستىق قاعيداتتارى تۋرالى ەكەندىگىنە بايلانىستى», دەدى «اسسامبلەيا جاستارى» جاستار ۇيىمىنىڭ جەتەكشىسى ت.جۇمىرباەۆ.
