پرەزيدەنت • 18 مامىر، 2022

پرەزيدەنت الماتى قالاسىنىڭ اكىمىن قابىلدادى

33 رەت كورسەتىلدى

مەملەكەت باسشىسىنا الماتى قالاسىنىڭ بيىلعى قاڭتار-ءساۋىر ايلارىنداعى ەكونوميكالىق جاعدايى تۋرالى ەسەپ بەرىلدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

وسى كەزەڭدە قىسقا مەرزىمدى ەكونوميكالىق ينديكاتور 107،6 پايىزعا دەيىن كوتەرىلگەن. نەگىزگى كاپيتالعا سالىنعان ينۆەستيتسيانىڭ ءوسىمى 21،3 پايىزعا جەتكەن. قاڭتار وقيعاسىنان كەيىنگى قالا ەكونوميكاسىنىڭ ءوسۋ قارقىنى ەكىنشى جارتىجىلدىقتىڭ باسىندا تولىق قالپىنا كەلەدى دەپ بولجانىپ وتىر.

پرەزيدەنتكە الماتىنىڭ 2030 جىلعا دەيىنگى دامۋىنىڭ نەگىزگى باعىتتارىن ايقىندايتىن باسىمدىقتار ۇسىنىلدى.

قاسىم-جومارت توقاەۆقا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ شارالارى تۋرالى مالىمەت بەرىلدى. اتاپ ايتقاندا، ماۋسىم ارالىعىندا ەرتە پىسەتىن كوكونىستەر جەتكىزىلەدى. ال تۇراقتاندىرۋ قورى 11-دەن 15 ميليارد تەڭگەگە دەيىن كوبەيگەن.

مەملەكەت باسشىسىنا زارداپ شەككەن شاعىن جانە ورتا بيزنەس سۋبەكتىلەرىنىڭ شىعىنىن وتەۋ جونىندە بەرگەن تاپسىرمالارىنىڭ ورىندالۋ بارىسى باياندالدى. بۇگىنگە دەيىن قۇنى 13،9 ميلليارد تەڭگە بولاتىن 1556 ءوتىنىش ماقۇلدانعان. زارداپ شەككەن شوب سۋبەكتىلەرىنىڭ 97 پايىزى قاڭتار وقيعاسىنان كەيىن جۇمىسىنا قايتا كىرىسكەن.

پرەزيدەنت جەكەمەنشىك ينۆەستيتسيالاردى تارتۋ ءۇشىن الماتىنىڭ يندۋستريالدى ايماعىن كەڭەيتۋ جونىندەگى جوسپارمەن تانىستى.

ەربولات دوساەۆ قاسىم-جومارت توقاەۆتىڭ قالادا قۇرىلىستىڭ تىعىز بولۋىنا جول بەرمەۋ جانە الەۋمەتتىك ينفراقۇرىلىمدى دامىتۋ جونىندە بەرگەن تاپسىرماسىنىڭ ورىندالۋ بارىسى تۋرالى ايتتى. سونداي-اق مەملەكەت باسشىسىنا الماتىداعى نوسەر جاۋىنعا ارنالعان كارىز جۇيەسىن جاڭعىرتۋدىڭ 2025 جىلعا دەيىنگى باعدارلاماسىنىڭ نەگىزگى ەرەجەلەرى تانىستىرىلدى.

كەزدەسۋ سوڭىندا قاسىم-جومارت توقاەۆ بىرقاتار ناقتى تاپسىرما بەردى.

سوڭعى جاڭالىقتار

كوروناۆيرۋس قايتا كۇشەيدى

كوروناۆيرۋس • بۇگىن، 23:07

ەڭبەكتىڭ ەركىنى

ايماقتار • بۇگىن، 23:02

بابا ءتىلىنىڭ باعاسىن بىلەيىك

احمەت بايتۇرسىن ۇلى • بۇگىن، 22:54

قۇس تۇماۋىنىڭ كەسىرى

قوعام • بۇگىن، 22:52

سۋدى قالاي ۇنەمدەۋگە بولادى؟

ەكولوگيا • بۇگىن، 22:51

جالعاسىن تاپقان ءداستۇر

ايماقتار • بۇگىن، 22:48

48 مىڭ جىل بۇرىنعى تىرشىلىك

تاريح • بۇگىن، 22:47

تولقىن شاشىپ شاپقان ات

ونەر • بۇگىن، 22:44

اۋىلدىڭ قىزى – الەم چەمپيونى

ايماقتار • بۇگىن، 22:38

استانا كۇنىنە ارنالدى

قوعام • بۇگىن، 22:35

ۇقساس جاڭالىقتار