قوعام • 18 مامىر، 2022

ەندى قارجى پيراميدالارى جايلى SMS ارقىلى ەسكەرتىلەدى

11 رەت كورسەتىلدى

بۇل تۋرالى قر باس پروكۋرورى بەرىك اسىلوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتتى، دەپ حابارلايدى Egemen.kz.

«جاقىن ارادا قارجىلىق پيراميدالاردىڭ تəۋەكەلدەرى تۋرالى سمس-حابارلامالار تەتىگى ىسكە قوسىلادى. سونداي-اق قۇقىق قورعاۋ جəنە مەملەكەتتىك ورگاندار حالىق اراسىندا ءتۇسىندىرۋ جۇمىستارىن كۇشەيتەدى. الاياقتىق پەن قارجى پيراميدالارىنا قارسى ءىس-قيمىل جالعاسادى جəنە ەرەكشە باقىلاۋدا تۇر»، دەپ جازىلعان باس پروكۋروردىڭ دەپۋتاتتارعا جولداعان جاۋابىندا.

باس پروكۋراتۋرانىڭ دەرەگى بويىنشا، 2020 جىلى قازاقستاندىقتار قارجى پيراميدالارىنا 6 ملرد تەڭگەدەن استام اقشا سالىپ جىبەرگەن. بۇل – كەيىنگى جىلدارداعى رەكوردتىق كورسەتكىش بولىپ ەسەپتەلەدى.

«سوڭعى 5 جىلدا قارجى پيراميدالارى تۋرالى ىستەردى تىركەۋ سەرپىنى تۇراقسىز (2017 ج - 74، 2018 ج - 103، 2019 ج - 24، 2020 ج - 180، 2021 ج - 160). 2020 جىلى ءوسىم بايقالعان. بۇل كەزەڭدە تىركەلگەن قىلمىستاردىڭ سانى 7 ەسە وسكەن. كەلتىرىلگەن زالالدىڭ سوماسى 6 ملرد تەڭگەدەن استى. قارجى پيراميدالارىنىڭ سايتتارىنا 680 سىلتەمە بۇعاتتالدى. بانكتەر وپەراتسيالاردىڭ كۇشەيتىلگەن مونيتورينگىنە جəنە كۇدىكتى كليەنتتەرمەن ىسكەرلىك قارىم-قاتىناستاردى بۇزۋعا باعدارلاندى. وسىنداي 149 اداممەن ىسكەرلىك قارىم-قاتىناس توقتاتىلدى جəنە ونى ورناتۋدان باس تارتىلدى. مىسالى، «Kaspi Bank» اق 40 سالىمشىنى تارتىپ ۇلگىرگەن «قارا قازان» قارجىلىق پيراميداسىنىڭ ۇيىمداستىرۋشىلارىنا قىزمەت كورسەتۋدى توقتاتتى»، دەپ جازىلعان باس پروكۋروردىڭ جاۋابىندا.



 

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار