پاۆلوداردىڭ ەكسترەميزمگە قارسى ءىس-قيمىل توبىنىڭ قىزمەتكەرلەرى ينتەرنەتتە مونيتورينگ جۇرگىزۋ بارىسىندا قولدانۋشىنىڭ پاراقشاسىنان ءدىني مازمۇنداعى ماتەريالدارى بار 39 اۋديوجازبانى انىقتادى.
«تەكسەرۋ ءىس-شارالارى بارىسىندا 35 جاستاعى پاۆلودارلىق تىيىم سالىنعان كونتەنتتى اشىق جاريالاعان. بۇل فاكتى بويىنشا ءدىنتانۋ ساراپتاماسى جۇرگىزىلدى. ونىڭ قورىتىندىسى بويىنشا پاۆلودار قالاسىنىڭ مامانداندىرىلعان اكىمشىلىك سوتى پاۆلودارلىق ايەلگە قر اقبتك-ءنىڭ 453-بابى 2-بولىگى (بۇقارالىق اقپارات قۇرالدارىنىڭ ءونiمiن, سول سياقتى وزگە دە ءونiمدi قازاقستان رەسپۋبليكاسىنىڭ اۋماعىندا دايىنداۋ, ساقتاۋ, اكەلۋ, تاسىمالداۋ, تاراتۋ) بويىنشا 20 اەك كولەمىندە اكىمشىلىك ايىپپۇل سالىپ, اكىمشىلىك جاۋاپكەرشىلىككە تارتتى», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
