وقيعا • 18 مامىر، 2022

شىمكەنتتە جول اپاتىنان ءبىر ادام قازا تاپتى

38 رەت كورسەتىلدى

شىمكەنتتە جول-كولىك وقيعاسىنان ءبىر ايەل قازا تاۋىپ، تاعى بەس ادام زارداپ شەكتى. زارداپ شەككەندەر اراسىندا جاڭا تۋعان نارەستە دە بار، دەپ حابارلايدى Egemen.kz.

قالالىق پوليتسيا دەپارتامەنتىنىڭ مالىمەتىنشە، 17 مامىر كۇنى ساعات 21:10 شاماسىندا رەسپۋبليكا داڭعىلى مەن ش. قالداياقوۆ كوشەسىنىڭ قيىلىسىندا Mercedes Benz 200 D جانە Toyota Land Cruiser 100 VX كولىكتەرى سوقتىعىسقان.

«وقيعا سالدارىنان Mercedes Benz 200 D كولىگىنىڭ ەكى جۇرگىزۋشىسى مەن ءۇش جولاۋشىسى، ونىڭ ىشىندە ءبىر ايەل ءتۇرلى دەنە جاراقاتىمەن اۋرۋحاناعا جەتكىزىلدى. ارتىنشا ول ايەل ەسىن جيماستان قايتىس بولدى. وقيعا ورنىنا اباي اۋداندىق پوليتسيا بولىمىنەن جەدەل-تەرگەۋ توبى اتتاندى. جول-كولىك وقيعاسى بويىنشا پوليتسەيلەر قر قىلمىستىق كودەكسىنىڭ 345-بابى 2-بولىگى بويىنشا سوتقا دەيىنگى تەرگەۋ امالدارىن جۇرگىزىپ جاتىر»، دەلىنگەن پد حابارلاماسىندا.

جول اپاتىنىڭ كۋاگەرىنىڭ ايتۋىنشا، كولىكتەردىڭ بىرىندە جاڭا تۋعان نارەستە بولعان. وتباسى پەرزەنتحانادان ۇيىنە قايتىپ كەلە جاتقان. ءسابي باسىنان جاراقات العان، ال اناسىنىڭ يىعى سىنعان، اكەسى سۇمدىق جايتتان ەسەڭگىرەپ قالعان.

قالالىق دەنساۋلىق ساقتاۋ باسقارماسى حابارلاعانداي، زارداپ شەككەن ءۇش ادامعا №1 قالالىق كلينيكالىق اۋرۋحانانىڭ قابىلداۋ بولىمىندە العاشقى مەديتسينالىق كومەك كورسەتىلگەن سوڭ ۇيلەرىنە جىبەرىلگەنىن حابارلادى. تاعى ەكەۋى مەديتسينالىق كومەك العان سوڭ امبۋلاتورلىق ەم الۋعا جىبەرىلدى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار