قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, بۇگىنگى كۇنگە ناۋقاستىڭ جالپى جاعدايى ينتوكسيكاتسيا مەن گەمورراگيالىق سيندرومعا بايلانىستى اۋىر دارەجەدە.
ايتا كەتەيىك, بايدىبەك اۋدانىنىڭ 46 جاستاعى تۇرعىنى بۇعان دەيىن اسقازان-ىشەكتەن قان كەتۋ دياگنوزىمەن وبلىستىق كلينيكالىق اۋرۋحاناعا تۇسكەن ەدى. وعان قىرىم قاندى بەزگەگىن جۇقتىرۋى مۇمكىن ەكەنى ايتىلعان. ناۋقاس تەز ارادا وقشاۋلانىپ, قالالىق جۇقپالى اۋرۋلار اۋرۋحاناسىنىڭ جانساقتاۋ بولىمشەسىنە جاتقىزىلدى.
ال ونىمەن قارىم-قاتىناستا بولعان 15 ادام انىقتالدى. ونىڭ ىشىندە 9 ادام - مەديتسينا قىزمەتكەرلەرى دارىگەرلەردىڭ باقىلاۋىنا الىندى. ىندەتتىڭ الدىن الۋ ماقساتىندا كەشەندى ەپيدەميولوگيالىق, زووپارازيتولوگيالىق جانە ۆەتەرينارلىق الدىن الۋ ءىس شارالارى جالعاسۋدا.
