2022 جىلعى 17 ساۋىردەن باستاپ مەملەكەتتىك كىرىستەر ورگاندارىنىڭ «اكتسيزدىك ماركالاردى» تاڭبالاۋ جانە بەرۋ جونىندەگى قۇزىرەتى الىنىپ تاستالدى. ياعني, «اكتسيزدىك ماركالار» دەگەن ءسوز تولىعىمەن الىپ تاستالدى, ەندى الكوگول ءونىمى بويىنشا ەسەپكە الۋ-باقىلاۋ ماركالارى عانا قولدانىلادى. اتالعان وزگەرىستەر قر قارجى ءمينيسترىنىڭ 2022 جىلعى 5 ساۋىردەگى №366 بۇيرىعىمەن ەنگىزىلدى.
شاراپ ماتەريالىن, سىرا جانە سىرا سۋسىنىن قوسپاعاندا, الكوگول ءونىمىن ەسەپكە الۋ-باقىلاۋ تاڭبالارىمەن جانە تەمەكى بۇيىمدارىن اكتسيزدىك تاڭبالارمەن تاڭبالاۋ (قايتا تاڭبالاۋ) قاعيدالارىنىڭ جاڭا رەداكتسياسىن, سونداي-اق اكتسيزدىك جانە ەسەپكە الۋ-باقىلاۋ تاڭبالارىنىڭ نىساندارىن, مازمۇنى مەن قورعاۋ ەلەمەنتتەرىن http://adilet.zan.kz/kaz/docs/V1800016444 سىلتەمەسى بويىنشا كورۋگە بولادى.
سونداي-اق سايكەستەندىرۋ ءۇشىن قر قارجى ءمينيسترىنىڭ 2022 جىلعى 14 ساۋىردەگى №412 بۇيرىعىمەن اكتسيز بەكەتتەرىنىڭ قىزمەتىن ۇيىمداستىرۋ قاعيدالارىنا وزگەرىستەر ەنگىزىلدى. قاعيدالاردىڭ جاڭا رەداكتسياسىنداعى «اكتسيزدىك ماركالار» دەگەن سوزدەر «سايكەستەندىرۋ قۇرالدارى» دەگەن سوزدەرمەن اۋىستىرىلدى. وزگەرتىلگەن قاعيدالارعا سىلتەمە: http://adilet.zan.kz/kaz/docs/V1800016361
سالىق كودەكسىنىڭ باپتارىنداعى «شاراپ ماتەريالى» تەرميندەرىن «تولىسىلعان شاراپ» تەرمينىنە, «سىرا جانە سىرا سۋسىنى» تەرميندەرىن «سىرا قايناتۋ ونىمىنە» اۋىستىرۋ بولىگىنە وزگەرىستەر ەنگىزىلدى. بۇل رەتتە مەملەكەتتىك رەتتەۋ تۋرالى سالالىق زاڭدا «شاراپ ماتەريالى», «سىرا جانە سىرا سۋسىنى» دەگەن سوزدەر ساقتالعان. باستاپقىدا وزگەرىستەر سالىق كودەكسىن وسى جىلدىڭ 1 قاڭتارىنان باستاپ كۇشىنە ەنۋى ءتيىس «الكوگول ءونىمىنىڭ قاۋىپسىزدىگى تۋرالى» ەاەو تەحنيكالىق رەگلامەنتىمەن سايكەستەندىرۋ ماقساتىندا ەنگىزىلدى. قولدانۋ مەرزىمى 2024 جىلعا اۋىستىرىلۋىنا بايلانىستى, قر سالالىق زاڭناماسىنا وزگەرىستەر ەنگىزۋگە تۋرا كەلدى.
ءتيىستى وزگەرىستەر قارجى ءمينيسترىنىڭ 2022 جىلعى 13 ساۋىردەگى №404 بۇيرىعىمەن ەتيل ءسپيرتىن جانە (نەمەسە) الكوگول ءونىمىن ءوندىرۋدىڭ تەحنولوگيالىق جەلىلەرىن ەسەپتەۋىش باقىلاۋ اسپاپتارىمەن جاراقتاندىرۋ قاعيدالارىنا ەنگىزىلدى. بۇل قاعيدالارعا «تولىسىلعان شاراپ» سوزىنە «شاراپ ماتەريالى» ءسوزىن تولىقتىرۋعا بايلانىستى وزگەرىستەر ەنگىزىلدى, ياعني بۇرىن تەك «تولىسىلعان شاراپ» قانا بولدى, ەندى سالالىق زاڭداعىداي «شاراپ ماتەريالى» ءسوزى قوسىلدى. شىن مانىندە, تولىسىلعان شاراپ شاراپ ماتەريالى بولىپ تابىلادى.
بۇدان باسقا, بيىل 1 قاڭتاردان باستاپ اراقتاردى جانە ايرىقشا اراقتاردى ءوندىرۋ جەلىلەرىندە ەسەپتەۋشى باقىلاۋ اسپاپتارىنا قوسىمشا ەلەكتر ەنەرگياسىن ەسەپتەۋىشتەردى ورناتۋ قاجەت. وزگەرتىلگەن قاعيدالارعا سىلتەمە: http://adilet.zan.kz/kaz/docs/V1500012219
سونداي-اق مەملەكەتتىك كىرىستەر كوميتەتىندە 2022 جىلدىڭ قاڭتارىنان باستاپ سىرا قايناتۋ ونىمىنە اكتسيزدىڭ مولشەرلەمەسى ليترىنە 79 تەڭگەنى قۇرايتىنىن ەسكە سالدى. وعان دەيىن سىرا قايناتۋ ءونىمىنىڭ ليترىنە ستاۆكا 57 تەڭگەگە تەڭ بولاتىن.
