«سوڭعى جىلدارى مال شارۋاشىلىعىنىڭ گەنەتيكالىق الەۋەتى ايتارلىقتاي ۇلعايدى. مەملەكەتتىك قولداۋ ءىس-شارالارىن كۇشەيتۋ ەسەبىنەن اسىل تۇقىمدى مالدىڭ بارلىق تۇرلەرى بويىنشا ۇلەس سالماعى ارتتى. مىسالى, اسىل تۇقىمدى ءىر قارا مالدىڭ ۇلەس سالماعى ءىرى قارا مالدىڭ جالپى باسىنا شاققاندا 7-دەن 13 پايىزعا دەيىن ءوستى. سونداي-اق سەلەكتسيالىق جانە اسىل تۇقىمدىق جۇمىستارمەن اينالىساتىن فەرمەرلىك شارۋاشىلىقتاردىڭ سانى 2021 جىلى 6 مىڭنان 30 مىڭعا دەيىن ۇلعايدى», دەدى مينيستر.
دەگەنمەن ول مال شارۋاشىلىعى سالاسىنىڭ دامۋ قارقىنى ەلىمىزدىڭ قولدا بار الەۋەتتى مۇمكىندىكتەرىنە سايكەس كەلمەيتىندىگىن باسا ايتتى.
«مال شارۋاشىلىعى ونىمدەرىنىڭ بىرقاتارى بويىنشا يمپورتقا تاۋەلدىلىك ساقتالىپ وتىر. اتاپ ايتقاندا, قۇس ەتى, ەت جانە ءسۇت ونىمدەرى بويىنشا تەرەڭ قايتا وڭدەۋ تەك وڭىرلىك قانا ەمەس, سونداي-اق مال شارۋاشىلىعى ونىمدەرىن الەمدىك ەكسپورتتاۋشىلاردىڭ اراسىندا بولۋعا مۇمكىندىك بەرەدى», دەدى ەربول قاراشوكەەۆ.
