رەفەرەندۋم-2022 • 16 مامىر، 2022

جاڭا بەتبۇرىستىڭ باستاۋى

308 رەت كورسەتىلدى

رەفەرەندۋمدى قوعامدىق قولداۋ جونىندەگى اتىراۋ وڭىرلىك شتابىنىڭ جەتەكشىسى گۇلزادا شاكۋليكوۆانىڭ ايتۋىنشا، كونستيتۋتسياعا ەنگىزىلەتىن وزگەرىستەر مەن تولىقتىرۋلار ساياسي رەفورمالاردى جەدەلدەتەدى. ويتكەنى تاۋەلسىزدىك العاننان بەرى الەمدىك وركەنيەتتە ءوز ورنىن ايشىقتاعان مەملەكەتىمىزدى ودان ءارى دەموكراتيالىق جولمەن وركەندەتۋ ءۇشىن بۇرىنعى قۇقىقتىق جۇيەنى زامان تالابىنا ساي جاڭارتۋدىڭ ماڭىزى زور.

– اتا زاڭ – ازاتتىعىمىزدىڭ باستى قۇندىلىعى. تاۋەلسىزدىك جىلدارىندا ەلىمىزدىڭ قوعامدىق-ساياسي دامۋىندا وزگەرىستەر بول­عانىن جوققا شىعارمايمىز. ەلىمىزدە بىرنەشە جاڭا كاسىپورىن، بىرنەشە جاڭا وقۋ ورنى اشىلدى. سونداي وقۋ ورنىنىڭ قاتارىندا س.وتەباەۆ اتىنداعى اتىراۋ مۇناي جانە گاز ۋنيۆەرسيتەتى دە بار. قازىر مۇندا وتاندىق، شەت-ەلدىك مۇناي-گاز ونەركاسىبىنە قا­جەتتى ماماندار دايارلانادى. ءار سالادا جۇمىس ىستەيتىندەردىڭ قا­تارىندا تاۋەلسىز قازاقستاندا دۇ­نيەگە كەلگەن جاستاردىڭ شوعىرى كوبەيدى. جوعارى وقۋ ورىندارىندا سونداي جاستاردىڭ لەگى ءبىلىم الىپ جاتىر. ولار ستۋدەنتتىك باس­قارمالار، ۆولونتەرلىك قىزمەت، باسقا دا ماڭىزدى ءىس-شارالار ارقىلى ەلىمىزدىڭ دامۋىنا اتسا­لىسىپ، زور جاۋاپكەرشىلىك جۇگىن سەزىنىپ وتىر. وتانشىل جاس­تاردىڭ ىنتاسىنان ەلىمىزدى جاڭا جەڭىستەرگە جەتەلەگىسى كەلەتىنىن اڭعارۋعا بولادى، – دەيدى گۇلزادا شاكۋليكوۆا.

وڭىرلىك شتاب جەتەكشىسى پرەزيدەنتتىڭ كەيبىر وكىلەتتىگىن پارلامەنتكە، ۇكىمەتكە جانە جەر­گىلىكتى اتقارۋشى ورگاندارعا بەرۋ باستاماسىنا قولداۋ ءبىلدى­رىپ وتىر. ونىڭ پىكىرىنشە، بۇل قوعامعا ءوزىن ءوزى باسقارۋ ارقىلى ءوز تاعدىرىنا جاۋاپكەرشىلىك الۋعا مۇمكىندىك بەرمەك.

– بۇل – بۇگىنگى قوعامنىڭ ءار مۇشەسى ەل ءۇشىن ماڭىزدى قادام. ماسەلەن، دەپۋتاتتار بەل­سەن­دىلىگى ارتا تۇسەدى. ال ءبىلىم بەرۋ مە­كە­مەلەرى ستۋ­دەنت­تەردىڭ ءوزىن ءوزى باسقارۋ داعدى­لارىن دامىتۋعا، سىندارلى دەباتتار مەن ستۋدەنتتىك باسقا­رۋ ارقىلى جاڭاشا ويلاۋدى قالىپ­تاستىرۋعا كوڭىل ءبولۋى كەرەك. مۇنداي وزگەرىستەردى جاتسىن­باعان ءجون. مەملەكەت باسشىسىنىڭ سۋپەرپرەزيدەنت­تىك باسقارۋ مودەلىنەن پارلا­مەنت پەن ءماسليحاتتاردىڭ ءرولى كۇشەيگەن ساياسي جۇيەگە كوشۋ، دەموكراتيالىق پروتسەستەر قارقىنىن ۇدەتۋ، ەلدەگى بىرلىك پەن ىنتىماقتى ارتتىرۋ باستاماسى قولداۋعا لايىق. مىنە، سول سەبەپتەن بارشامىزدىڭ الدىمىزدا جاڭا جانە ادىلەتتى قازاقستان قۇرۋ جولىندا ازاماتتاردىڭ مۇددەسى مەن قۇقىعىن قورعاۋ، سايا­سي جۇيەنى، اكىمشىلىك-اۋماقتىق قۇرىلىمدى وزگەرتۋ، جاڭا ەكونوميكانى قالىپتاستىرۋ سەكىلدى بىرقاتار ماڭىزدى مىندەت تۇر. وسى ورايدا ساياسي جاڭعىرۋ باعى­تىنداعى باستامالارعا قول­داۋ كورسەتۋ – ەلدىگىمىزدىڭ بەلگىسى، – دەيدى گ.شاكۋليكوۆا.

اتىراۋ وبلىسىنىڭ قوعامدىق ۇيىمدارى مەن جۇرتشىلىعى ەل كونستيتۋتسياسىنا وزگەرىستەر مەن تولىقتىرۋلار ەنگىزىلۋىنە بايلانىستى وتەتىن رەفەرەندۋمنىڭ ماڭىزىنا قىزىعۋشىلىق تانىتىپ وتىر. ماسەلەن، قوعام بەل­سەن­دىسى ارمان حايرۋللين جەتەك­شى­لىك ەتەتىن «اتامەكەن ەكو» قو­عام­دىق بىرلەستىگىندەگى باس­قوسۋ­دا ەكو­­بەلسەندىلەر، دەپۋتاتتار مەن جو­عارى وقۋ ورىندارىنىڭ وقىتۋشى­لارى پىكىر الماستى.

– ءبىز اشىق مەملەكەتتى قالىپ­تاس­تىرۋدىڭ العىشارتىنا كۋا بولىپ وتىرمىز. مەملەكەت پەن قوعام اراسىندا جاڭا بايلانىس، قارىم-قاتىناس ورناي باس­تادى. الەۋمەتتىك جەلى­دەگى پىكىر­لەردەن وتانداستارى­مىز­دى تول­عاندىراتىن ماسە­لە­­لەر­دى ءجيى وقيمىز. ونىڭ ىشىندە كونس­تيتۋتسياعا ەنگىزىل­گەلى وتىر­عان وزگەرىستەر دە بار. سول سەبەپ­تەن، الدا وتەتىن رەفە­رەن­دۋم­عا قازاق­ستان­دىق­تاردىڭ قىزىعۋ­شى­لىعى ارتادى، – دەيدى وبلىستىق ءماسلي­حاتتىڭ دەپۋتاتى سەرىك قادىروۆ.

س.وتەباەۆ اتىنداعى اتىراۋ مۇناي جانە گاز ۋنيۆەرسيتەتىنىڭ دو­تسەنتى بولات نىعمەتوۆتىڭ اي­تۋىن­­شا، كونستيتۋتسياعا وز­گەرىس­­تەر ەنگىزىلگەننەن كەيىن قازاق­­­ستان­نىڭ ەكونوميكالىق-سايا­سي دامۋىندا جاڭا بەتبۇرىس باس­تا­­لادى. «جاڭا مەملەكەتتىك مو­دەل­گە، مەملەكەت پەن بۇقارا ارا­­­سىن­­داعى ءوزارا ءىس-قيمىل­دىڭ جاڭا سا­تىسىنا قادام باسقالى وتىر­­مىز. بۇل – جاڭا بەتبۇ­رىس­تىڭ باس­­تاۋى»، دەپ ەسەپتەيدى ب.نىعمەتوۆ.

رەفەرەندۋمنىڭ ماڭىزى قازاق­­ستان حالقى اسسامبلەيا­سى­نىڭ وبلىستىق فيليالىندا دا تال­قىلاندى. فيليال توراعا­سى نۇر­جان ەرمۇحانوۆتىڭ پىكىرىن­شە، مەملەكەت باسشىسى ساياسي رە­فور­­مالاردىڭ بىرنە­شە پاكە­تىن ۇسىنىپ وتىر. «كۇن سايىن جاڭا­رىپ جاتقان قوعام جاڭا شەشىمدەر مەن وزگەرىستەردى قاجەت ەتەدى. ءبىز قازاقستاندىقتاردىڭ بارشاسى قوعامنىڭ جاڭارعانىن، ساياسي وزگەرىستەر بولعانىن كۇتەتىنىن كو­رىپ وتىرمىز. ويتكەنى بۇل حا­لىق­تىڭ رەفەرەندۋمعا دەگەن قىزىعۋ­شى­لىعىنىڭ جوعارى بولۋىنان بايقالادى. سوندىقتان رەفە­رەن­دۋمنىڭ ماڭىزدى ەكەنىن ۇعىنۋعا ءتيىسپىز»، دەيدى ن.ەرمۇحانوۆ.

 

اتىراۋ وبلىسى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار