«الەۋمەتتىك جەلىلەردە №73 «اياۋلىم» بوبەكجاي-بالاباقشاسى» مكقك جانىنداعى قۇرىلىس الاڭىندا 4 بالا ويناپ جۇرگەنى بەينەلەنگەن ۆيدەو تارادى. اتالعان فاكتى بويىنشا ءبىلىم باسقارماسى №73 «اياۋلىم» بالاباقشاسىنا بارىپ قىزمەتتىك تەكسەرۋ جۇرگىزدى», دەدى قالالىق ءبىلىم باسقارماسىنان.
تەكسەرۋ بارىسىندا بالاباقشا مەڭگەرۋشىسى ح.د. تايبوكەنوۆامەن اڭگىمە جۇرگىزىلىپ, تۇسىندىرمە جازبا الىنعان.
ناتيجەسىندە, بالالار سەرۋەن كەزىندە بالاباقشادان قاشىپ كەتكەنى انىقتالدى.
«قازىرگى ۋاقىتتا بالالار باقشادا, ولاردىڭ جاعدايى بىرقالىپتى. بالاباقشانىڭ مەديتسينا قىزمەتكەرى تەكسەرۋ جۇرگىزدى. بۇلدىرشىندەردىڭ دەنەسىنەن ەشقانداي جاراقات تابىلعان جوق. ءوز لاۋازىمدىق مىندەتتەرىنە نەمقۇرايلى قاراۋ فاكتىسى بويىنشا تاربيەشى مەن شارۋاشىلىق ءبولىمىنىڭ مەڭگەرۋشىسى تارتىپتىك جاۋاپكەرشىلىككە تارتىلدى. بالاباقشا مەڭگەرۋشىسىنە قاتىستى ءبىلىم باسقارماسىنىڭ تارتىپتىك كوميسسياسىنىڭ وتىرىسىندا قاراۋ ءۇشىن ماتەريال دايىندالدى», دەلىنگەن ءبىلىم باسقارماسىنىڭ حابارلاماسىندا.
