قازاقستان • 13 مامىر، 2022

«الاكول» كەدەن بەكەتىندە تاۋارلاردى زاڭسىز اكەلۋدىڭ جولى كەسىلدى

18 رەت كورسەتىلدى

الماتى وبلىسى بويىنشا مەملەكەتتىك كىرىستەر دەپارتامەنتىنىڭ «الاكول» كەدەن بەكەتىندە 22 483 كگ كولەمىندە «قولعاپ» تۇرىندەگى تاۋارلاردى زاڭسىز اكەلۋدىڭ جولى كەسىلدى. كەدەندىك تەكسەرىپ قاراۋدى جۇرگىزۋ ءۇشىن تاۋاردىڭ كەدەندىك قۇنىنىڭ تومەندەۋى نەگىز بولدى، دەپ جازادى Egemen.kz قر قم مەملەكەتتىك كىرىستەر كوميتەتىنىڭ ءباسپاسوز قىزمەتىنە سىلتەمە جاساپ.

«الاكول» كەدەن بەكەتىنىڭ ماماندارىمەن كەدەندىك تەكسەرىپ قاراۋدى جۇرگىزۋ كەزىندە قازاقستان رەسپۋبليكاسىنىڭ كەدەن زاڭناماسىن بۇزۋشىلىقتار انىقتالدى.

زاڭسىز اكەلىنگەن تاۋارلاردىڭ كەدەندىك قۇنى شامامەن 43 ملن تەڭگەنى قۇرايدى. 2022 جىلدىڭ ءساۋىر ايىندا ماتەريالدار قىلمىستىق ءىس قوزعاۋ ءۇشىن الماتى وبلىسى بويىنشا ەكونوميكالىق تەرگەۋ دەپارتامەنتىنە جولداندى.

وسى جىلدىڭ باسىنان باستاپ قازىرگى ۋاقىتقا دەيىن دەپارتامەنت 21 فاكت بويىنشا (13 جۇك الۋشى بويىنشا، ونىڭ ىشىندە 9 – رەزيدەنت، 4 - رەزيدەنت ەمەس) قىلمىستىق ءىس قوزعاۋ ءۇشىن قۇقىق قورعاۋ ورگاندارىنا ماتەريالداردى جىبەردى، وندا كەدەندىك قۇنى شەكتى دەڭگەيدەن اسقانى انىقتالعان (10 000 اەك-تەن استام).

وسىلايشا، مالىمدەلمەگەن تاۋارلاردىڭ جالپى كەدەندىك قۇنى 1 ملرد 836 ملن تەڭگەنى قۇرايدى.

سوڭعى جاڭالىقتار

ۇقساس جاڭالىقتار