ەلوردا • 13 مامىر، 2022

ەلوردادا مىڭنان اسا ناۋقاس ەسىرتكىگە تاۋەلدىلىكتەن ەمدەلىپ جاتىر

11 رەت كورسەتىلدى

ەلورداداعى مەديتسينالىق ورتالىقتا 1189 ادام ەسىرتكىگە قۇمارلىقتان ارىلۋ ءۇشىن ەم الىپ جاتىر. بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى گۇلناز دوسمىرزاەۆا ءمالىم ەتتى، دەپ حابارلايدى Egemen.kz.

«قازىرگى ۋاقىتتا ناركولوگيالىق ورتالىقتا 1189 پاتسيەنت ەم الىپ جاتىر. ولاردىڭ اراسىندا 658-ءى وپيويد زاتىن قولدانعاندار، 226-ى پسيحواكتيۆتى زاتتاردى قولدانۋشى جانە 248 ەمدەلۋشى ستيمۋلياتور پسيحوتروپتىق زاتتارىن قولدانعان. كامەلەت جاسىنا تولماعاندار اراسىندا ەسىرتكى مەن پسيحواكتيۆتى زاتتاردىڭ زيانى تۋرالى 26 مەديتسينالىق اقپاراتتاندىرۋ شاراسى ۇيىمداستىرىلدى»، دەدى گۇلناز دوسمىرزاەۆا قالالىق ءماسليحاتتىڭ وتىرىسىندا جاساعان بايانداماسىندا.

ونىڭ مالىمدەۋىنشە، بۇگىندە ەسىرتكىگە تاۋەلدىلىكتەن ارىلۋ ماقساتىندا ەم الىپ جاتقانداردىڭ ۇلەسى 4 پايىزعا ارتقان.

«وسىعان دەيىن 707 پاتسيەنت تاۋلىك بويى جۇمىس ىستەيتىن ستاتسيوناردا مەديتسينالىق-الەۋمەتتىك وڭالتۋدان ءوتتى. اتاپ ايتقاندا، 599 ازامات ىشىمدىككە تاۋەلدى جانە 171 ناۋقاس ەسىرتكىگە تاۋەلدى. جالپى العاندا ىشىمدىككە تاۋەلدىلەر 78 پايىزدى قۇرايدى، وپيويد زاتىنا تاۋەلدىلەر 49 پايىز جانە پسيحواكتيۆتى زاتتارعا قۇمارتۋشىلاردىڭ ۇلەسى 74 پايىزدى قۇراپ وتىر»، دەيدى ول.



سوڭعى جاڭالىقتار

ۇقساس جاڭالىقتار