ايماقتار • 13 مامىر، 2022

شقو تۇرعىندارى ءوز ەركىمەن پوليتسياعا 92 قارۋ تاپسىردى

23 رەت كورسەتىلدى

شقو تۇرعىندارى ءوز ەركىمەن پوليتسياعا 92 قارۋ وتكىزدى، دەپ حابارلايدى Egemen.kz Polisia.kz-كە سىلتەمە جاساپ.

شقو-دا تىركەلمەگەن قارۋدى، وق-دارىلەردى جانە جارىلعىش زاتتاردى ساتىپ الۋ اكتسياسى جالعاسۋدا. اكتسيانىڭ ماقساتى – قوعامدىق قاۋىپسىزدىكتى نىعايتۋ جانە قارۋلى قىلمىس جاساۋ قاۋىپىن ازايتۋ.

زاڭسىز ساقتالعان قارۋدى ءوز ەركىمەن تاپسىرعان ازاماتتارعا قارۋدىڭ تەحنيكالىق جاي-كۇيىنە بايلانىستى ونىڭ ءاربىر بىرلىگى ءۇشىن 10-نان 100 اەك-گە دەيىن اقشالاي تولەم كوزدەلگەن.

شقو تۇرعىندارى بۇل ءىس-شاراعا بەلسەندى تۇردە قاتىسۋدا.

6 مامىردا ءۇرجار اۋدانىنىڭ 56 جاستاعى تۇرعىنى مارقۇم اكەسىنەن قالعان 16 كاليبرلى يج-ك ءبىر ۇڭعىلى اڭشىلىق مىلتىعىن پوليتسياعا ءوز ەركىمەن تاپسىرعان.

اكتسيانىڭ 19 كۇنىندە ازاماتتاردان 65 ءوتىنىش كەلىپ ءتۇستى، 92 بىرلىك اتىس قارۋى (15 ويىق جانە 75 تەگىس ۇڭعىلى قارۋ) جانە 7-62 كاليبرلى 370 پاترون قابىلداندى. بۇگىنگى تاڭدا بولىنگەن 10 ملن تەڭگەنىڭ 6 ملن تەڭگەسى يگەرىلدى.

ايانا توعانبەك

سوڭعى جاڭالىقتار

ۇقساس جاڭالىقتار