سونىمەن قاتار بيىل ساۋىقتىرۋ لاگەرلەرى مەن الاڭداردىڭ سانى ايتارلىقتاي ارتتى. جالپى رەسپۋبليكا بويىنشا 11 مىڭنان اسا (2021 ج. – 9 507) مەكتەپ جانىنداعى, قالا ماڭىنداعى, شاتىرلى, سپورتتىق جانە كيىز ءۇي لاگەرى جۇمىس ىستەيدى.
ء«بىرىنشى كەزەكتە جازعى ساۋىقتىرۋ دەمالىسىمەن الەۋمەتتىك وسال ساناتتاعى بالالار قامتىلادى. بۇل جەتىم بالالار, از قامتىلعان, كوپبالالى وتباسى جانە تولىق ەمەس وتباسىلاردان شىققان بالالار, مۇمكىندىگى شەكتەۋلى بالالار جانە ت.ب. بالالار ساۋىقتىرۋ لاگەرلەرىنىڭ جەلىسى ساناتوريلەر, تۋريستىك بازالار, ۇلتتىق پاركتەر, جوعارى وقۋ ورىندارى جانىنان لاگەرلەر اشۋ جانە جۇمىس ىستەمەيتىن لاگەرلەردى قالپىنا كەلتىرۋ ەسەبىنەن كەڭەيتىلدى. قالالىق لاگەرلەر جەلىسىن دامىتۋ جۇمىستارى جۇرگىزىلىپ جاتىر. بيىل قىزىلوردا وبلىسىندا 3 جانە اقمولا وبلىسىندا 1 لاگەر پايدالانۋعا بەرىلەدى. بالالاردىڭ جازعى دەمالىسى ءۇشىن قولايلى جانە قاۋىپسىز جاعدايلاردى قامتاماسىز ەتۋ ماڭىزدى. قازىر اشىلۋعا دايىندالىپ جاتقان لاگەرلەردە كونكۋرستىق راسىمدەر جۇرگىزىلىپ, ولاردىڭ سانيتارلىق نورمالارعا سايكەستىگى تەكسەرىلىپ جاتىر», دەپ ايتتى قر بعم بالالاردىڭ قۇقىقتارىن قورعاۋ كوميتەتىنىڭ توراعاسى ەسەنعازى يمانعاليەۆ.
وسى جىلى بالالار مەن اتا-انالاردى بارىنشا اقپاراتتاندىرۋ ءۇشىن bala-demalys.kz بالالار ساۋىقتىرۋ لاگەرلەرىنىڭ ينتەراكتيۆتى كارتاسى, سايت پەن ءموبيلدى قوسىمشا (Android جانە IOS پلاتفورمالارىندا) ىسكە قوسىلدى.
ەلەكتروندى كارتانىڭ كومەگىمەن كەز كەلگەن ادام ناقتى ۋاقىت رەجيمىندە قانداي دا ءبىر لاگەر تۋرالى (باعدارلاماسىن, باعاسىن, ورنالاسقان جەرىن) اقپارات الا الادى.
