بۇل تۋرالى تاشكەنتتە وتكەن «Space Technology سonference Central Eurasia» كونفەرەنتسياسىندا «قازاقستان عارىش ساپارى» ۇك« اق باسقارما توراعاسى ايدىن ايىمبەتوۆ مالىمدەدى.
«عارىش سالاسى – ەلىمىز ءۇشىن عىلىم مەن تەحنيكانىڭ تىڭ باعىتى, عارىشتىق تەحنولوگيالار, گەوفيزيكا, مەديتسينا جانە بيولوگيا, بيوتەحنولوگيالار جانە ىرگەلى عىلىمدار سالاسىنداعى عىلىمي سىناقتار عارىش جەتىستىكتەرىن كەز كەلگەن قىزمەت سالاسىنا ەندىرۋگە مۇمكىندىك بەرەدى», دەدى ايدىن ايىمبەتوۆ.
«قازاقستان عارىش ساپارى» كومپانياسىنىڭ اقپاراتى بويىنشا, ەكسپەريمەنتتىك قۇرلىق كەشەنى عارىش ستانساسىنىڭ ءبىر بولىگى تۇرىندە تۇرعىزىلىپ, وندا زەرتتەۋشىلەر ۇزاق مەرزىمدى سىناقتار جۇرگىزەدى. ءمودۋلدىڭ جۇمىسقا جارامدىلىعىنا جەرگىلىكتى تىرشىلىكتى قامتاماسىز ەتۋ جۇيەلەرى جاۋاپ بەرەدى. كەشەن عارىشتاعى جاعدايعا بارىنشا جاقىنداتىلادى. زەرتتەۋ قاتىسۋشىلارى سول ورتادا ۇزدىكسىز جۇمىس ىستەيدى.
كەشەننىڭ نەگىزگى مىندەتتەرىنە عارىش قىزمەتىنىڭ تىنىس-تىرشىلىگىن قامتاماسىز ەتۋ جۇيەلەرىن, مەديتسينالىق پروفيلاكتيكا قۇرالدارىن, ەكيپاجدىڭ جۇمىسقا قابىلەتتىلىگى مەن سەرگەكتىگىن, ەكيپاجدىڭ دەربەستىگىن, وقشاۋلانۋ سالدارىن جانە ونىمەن بايلانىستى فيزيولوگيالىق سترەسسورلاردى زەردەلەۋ كىرەدى.
«ورتالىق ازياداعى العاشقى عارىشتىق زەرتتەۋ ءمودۋلى كوپتەگەن ەنتۋزياست جانداردىڭ ارمانىن جۇزەگە اسىرۋعا مۇمكىندىك بەرەدى. عارىشقا ۇشۋ باقىتى بۇكىل الەم بويىنشا تەك ساناۋلى ادامعا عانا بۇيىرۋى مۇمكىن. ال قازاقستاندىق ەكسپەريمەنتتىك كەشەن بولاشاقتا جۇزدەگەن عالىمدار مەن مىڭداعان ءتۋريستىڭ ارمانىن ورىنداي الادى», دەدى جوبانىڭ سەرىكتەسى Eurasian Space Ventures جەكە عارىش كومپانياسىنىڭ نەگىزىن قالاۋشى شۋحرات يبراگيموۆ.
كەشەن بيىل تانىستىرىلاتىن بولادى.
