«رەفەرەندۋمعا شىعارىلىپ جاتقان كونستيتۋتسيالىق وزگەرىستەردىڭ ىشىندە قوعامدا كەڭىنەن تالقىلاۋعا ءتۇسىپ جاتقان ماسەلەنىڭ ءبىرى – پرەزيدەنتتىڭ لاۋازىمىنا بايلانىستى شەكتەۋلەر. ول دەگەنىمىز, الدىمەن, پرەزيدەنتتىڭ جاقىن تۋىستارى ءۇشىن ساياسي لاۋازىمدار مەن كۆازيمەملەكەتتىك سەكتوردا باسشىلىق لاۋازىمداردى اتقارۋعا شەكتەۋ قويىلماق. ەكىنشىدەن, پرەزيدەنتتىڭ ءوز وكىلەتتىكتەرىن جۇزەگە اسىرۋ كەزەڭىندە ساياسي پارتيا مۇشەسى بولۋىنا تىيىم سالىنادى», دەدى الما مۇقانوۆا ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
مينيستر ورىنباسارىنىڭ ايتۋىنشا, كونستيتۋتسياعا ەنگىزىلەتىن وزگەرىستەر 12 بلوكتان تۇرادى.
«سونىمەن قاتار مەملەكەت باسشىسىنىڭ اۋدان, وبلىس, شاعىن قالالار مەن اۋىلدىق وكرۋگتەردىڭ اكىمدەرىن سايلاۋ جانە بوساتۋ قۇقىعى الىنىپ تاستالادى. كورىپ وتىرعانىڭىزداي, بۇل پرەزيدەنت وكىلەتتىلىگىنىڭ قىسقارۋى دەگەن ءسوز. ياعني «سۋپەرپرەزيدەنتتىك» باسقارۋ ۇلگىسىنەن باس تارتۋدى بىلدىرەدى», دەيدى ول.
